ଆଜି ଆମେ ଜାଣିବା ବିଥି ବିନ୍ୟାସ କଣ ଅଟେ ଓ 'ପୂର୍ବ' ଓ 'ପୂର୍ବ-ଦକ୍ଷିଣ-ପୂର୍ବ' ଦିଗରେ ବାସ୍ତୁ ଦୋଷ କିପରି ଉତ୍ପନ୍ନ ହୁଏ ଓ ତାର ପ୍ରତିକାର କିପରି ହେବ? ଏହି ଲେଖା ପୁସ୍ତକ ' ବାସ୍ତୁ ଶାସ୍ତ୍ର' ରୁ ଉଦ୍ଧୃତ ଅଟେ।
ପଦ
ବିନ୍ୟାସ
ଏହା ବାସ୍ତୁ ଶାସ୍ତ୍ରର ଅତ୍ୟନ୍ତ
ମହତ୍ୱପୁର୍ଣ୍ଣ ଅଂଶ ଅଟେ । ଏହି ପଦ ବିନ୍ୟାସରେ ପୂଜନ କରାଯାଇଥାଏ । ପଦ ବିନ୍ୟାସ ଜାଣିବା
ପୂର୍ବରୁ ଆସନ୍ତୁ ଜାଣିବା କେତେ ପ୍ରକାରର ଦିଗ ଅଛି ଏବଂ ତାର ମହତ୍ୱ । କିପରି ଭାବରେ ଉର୍ଜା
ସୃଷ୍ଟି ହୋଇଥାଏ ଏବଂ କିପରି ଭାବରେ ଏହି ଉର୍ଜା ଦିକ୍ପାଳ ମାଧ୍ୟମରେ ଅଭିବ୍ୟକ୍ତି ହୋଇଥାଏ
ତାହା ନିମ୍ନରେ ବର୍ଣ୍ଣନା କରାଗଲା । ସାଧାରଣତଃ ଆମ୍ଭେମାନେ ଆଠ ପ୍ରକାରର ଦିଗ ଜାଣିଥାଉ ।
କିନ୍ତୁ ବିଶ୍ୱକର୍ମା ପ୍ରକାଶ ଗ୍ରନ୍ଥ ଅନୁଯାୟୀ ତାହା ଷୋହଳ ଦିଗରେ ବିଭକ୍ତ ହୋଇଥାଏ । ଗୋଟିଏ
ପ୍ଲଟ୍ର ସର୍କଲର ପରିଧି ହେଉଛି ୩୬୦ ଡିଗ୍ରୀ । ଯଦି ଆମେ ତାହାକୁ ଆଠ ଦିଗରେ ବିଭକ୍ତ କରୁ ତେବେ
ପ୍ରତ୍ୟେକ ଦିଗ ୪୫ ଡିଗ୍ରୀ ହୁଏ । ଯଦି ପ୍ରତ୍ୟେକ ୪୫ ଡିଗ୍ରୀକୁ ଦୁଇ ଭାଗରେ ବିଭକ୍ତ କରାଯାଏ
ତେବେ ତାହା ୨୨.୫ ଡିଗ୍ରୀ ହୋଇଥାଏ । ତେଣୁ ପ୍ଲଟ୍ର ଟୋଟାଲ୍ ଦିଗ ୧୬ ହୋଇଥାଏ । ନିମ୍ନରେ ଏହି
୧୬ ପ୍ରକାରର ଦିଗକୁ ବର୍ଣ୍ଣନା କରୁଅଛୁ ।
(୧) ପୂର୍ବଦିଗ -
ଏହି
ଦିଗ ବାୟୁ ତତ୍ୱର ଦିଗ ଅଟେ । ଏହି ଦିଗର ଗ୍ରହଦେବତା ହେଲେ ସୂର୍ଯ୍ୟ । ଯିଏ କି ସ୍ୱାସ୍ଥ୍ୟ ଓ
ସାମାଜିକ ସମ୍ପର୍କକୁ ବୁଝାଇ ଥାଏ । ଯଦି ଏହି ଦିଗ ସଫାସୁତରା ଥାଏ, ସନ୍ତୁଳିତ ଥାଏ ତେବେ ଏହି ଦିଗରେ ଥିବା ଘରର
ସଦସ୍ୟମାନଙ୍କର ଇଛା ଶକ୍ତି ଓ ଶାରିରୀକ ସ୍ୱାସ୍ଥ୍ୟ ଉତମ ରହେ ।
ନିଜ ପରିବାର ସହିତ ଉତମ ସମ୍ପର୍କ ରଖିବା, ବିଚାର କରିଥିବା ପ୍ଲାନିଂଗ୍ କୁ
କାର୍ଯ୍ୟକାରୀ କରାଇବା ସଚ୍ଚୋଟତା ଓ କ୍ଷମାଶୀଳତା ଆଦି ଏହି ଦିଗର ଗୁଣ ଅଟେ ।
ଯଦି ଏହି ଦିଗ କଟିଥାଏ ତେବେ ସମାଜ ସହିତ
ସମ୍ପର୍କ ନଷ୍ଟ ହୋଇଥାଏ । ସମାଜ ଦ୍ୱାରା ଲାଭାନ୍ୱିତ ଆଶାରେ ହାନି ହୋଇଥାଏ । ବରଂ ସେମାନେ ସମାଜ
ଦ୍ୱାରା ବ୍ୟବହୃତ ହୋଇଥାନ୍ତି । ନୀଳ କିମ୍ବା ସବୁଜ ରଙ୍ଗ ଏହାର ସମାଧାନ ଅଟେ । ଯଦି ଏହି ଦିଗ
ବର୍ଦ୍ଧିତ ହୋଇଥାଏ ତେବେ ସମାଜ ସହିତ ସେମାନେ ଏତେଦୂର ମିଶିଥାନ୍ତି ଯେ ପରିବାରକୁ ସେମାନେ ସମୟ
ଦେଇପାରନ୍ତି ନାହିଁ ଓ ତାହା ସମୟ ଓ ଉର୍ଜାର ଅପଚୟ ଅଟେ । ତାଙ୍କର ନିଜର ଉନ୍ନତି ହୋଇନଥାଏ ।
ଲାଲ୍ ରଙ୍ଗ ଏହାର ସମାଧାନ ଅଟେ ।
ସବୁଜ ରଙ୍ଗର ବୃକ୍ଷ ଏହି ଦିଗକୁ ମଜ୍ବୁତ୍
କରିଥାଏ ଏବଂ ମଜ୍ବୁତ୍ ସାମାଜିକ ସମ୍ପର୍କରେ ସାହାଯ୍ୟ କରିଥାଏ ।
ଏହି ଦିଗର ଦିକ୍ପାଳ-ଇନ୍ଦ୍ର, ଅସ୍ତ୍ର-ବଜ୍ର ଅଟେ ।
ବାସ୍ତୁଦୋଷ ସୃଷ୍ଟି ହେବାର କାରଣ:-
୧-
ଯଦି ପୂର୍ବ ଦିଗ ଚାରିପଟୁ ବନ୍ଦ୍ ହୋଇଥାଏ । ୨- ଘରର ଦୁଆର ଏବଂ କାନ୍ଥର ଫାଟ ଥାଏ । ୩-
ପ୍ଲାଷ୍ଟରିଂଗ୍ ଛାଡ଼ି ଯାଇଥାଏ । ୪- ବିଶୃଙ୍ଖଳିତ ଅବସ୍ଥାରେ ଘରେ ପଦାର୍ଥ ଗୁଡିକ ପଡ଼ି ରହିଥାଏ ।
୫- ଏହି ଦିଗ କଟିଥାଏ କିମ୍ବା ବର୍ଦ୍ଧିତ ହୋଇଥାଏ । ୬- ଅନୁପଯୁକ୍ତ ରଙ୍ଗ କାନ୍ଥରେ, ଝରକାରେ ଏବଂ ଦୁଆରରେ ଏବଂ ଚଟାଣରେ ବ୍ୟବହାର
ହୋଇଥାଏ । ୭- ଉପଯୁକ୍ତ ବାୟୁ ଚଳାଚଳ କରିନଥାଏ । ୮- ଯଦି ଏହଦିଗରେ ଶୈାଚାଳୟ ଥାଏ ।
ଉପରଲିଖିତ ଦୋଷ ଥିଲେ ସରକାରଙ୍କ ପାଖରୁ ଦଣ୍ଡ
ଭୋଗିବାକୁ ପଡ଼ିଥାଏ । ଇନ୍କମ୍ ଟାକ୍ସ୍ ପକ୍ଷରୁ ଘର ଉପରେ ଚଢ଼ାଉ ହେବାର ସମ୍ଭାବନା ଥାଏ ।
ବିବାହରେ ବିଳମ୍ବ ହୋଇଥାଏ । ପରିବାର ଓ ସମାଜରୁ କୈାଣସି ପ୍ରକାର ସାହାଯ୍ୟ ମିଳିନଥାଏ । ବିଚାର
କରିଥିବା ପ୍ଲାନିଂଗ୍କୁ କାର୍ଯ୍ୟରେ ପରିଣତ ହୋଇନଥାଏ ।
ଏହି ଦିଗରେ ଉପରଲିଖିତ ବାସ୍ତୁ ଦୋଷ ଥିଲେ
ପ୍ରଥମେ କାନ୍ଥ, ଝରକା ଓ ଦୁଆରରେ ହୋଇଥିବା ଫାଟକୁ ଠିକ୍
କରନ୍ତୁ । ପ୍ଲାଷ୍ଟରିଂଗ୍ ଠିକ୍ କରନ୍ତୁ । ଅଳିଆ ଆବର୍ଜନା ରଖନ୍ତୁ ନାହିଁ । ବାୟୁର ଚଳାଚଳ ଓ
ଆଲୋକର ପ୍ରବେଶ ପାଇଁ ଧ୍ୟାନ ଦିଅନ୍ତୁ ।
ଏହି
ଦିଗ ସମାଜ ଓ ପରିବାରକୁ ବୁଝାଇଥାଏ ।
ଯଦି
ଏହି ଦିଗରେ ଦୋଷ ଥାଏ ତେବେ-
- ଆପଣ କୈାଣସି ପ୍ରକାରର ନୂତନ କାର୍ଯ୍ୟ କରିବା
କଷ୍ଟକର ହୋଇଥାଏ ।
- ନୂତନ କଷ୍ଟମର୍କୁ ଆକର୍ଷିତ କରିବା କଷ୍ଟକର
ହୋଇଥାଏ ।
- ସମାଜଠାରୁ ଆପଣ କୈାଣସି ସାହାଯ୍ୟ ପାଇବା
କଷ୍ଟକର ହୋଇଥାଏ ।
- ପରିବାର ପ୍ରତି ଯେଉଁ କଥା ଦେଇଥାନ୍ତି
ତାହାକୁ ପୁରଣ କରନ୍ତି ନାହିଁ ।
ନିରାକରଣ-
- ଜୀବନ୍ତ ବୃକ୍ଷ କିମ୍ବା ଫୁଲ୍ ଏହି ଦିଗରେ
ସ୍ଥାପନ କରନ୍ତୁ । କୃତ୍ରିମ ଫୁଲ ଓ ବୃକ୍ଷ ଲଗାଇପାରିବେ ।
- ବୃକ୍ଷ ଓ ବଗିଚାର ଫଟୋ ଲଗାନ୍ତୁ ।
- ସବୁଜ କିମ୍ବା ନୀଳ ରଙ୍ଗର ଫର୍ଣ୍ଣିଚର୍ ଆଦି
ରଖନ୍ତୁ ।
- ଏହ ଦିଗରେ ନିଜ ପରିବାର ଫଟୋ ରଖିପାରିବେ ।
ବ୍ରତ, ସୂର୍ଯ୍ୟପୂଜା, ପ୍ରାର୍ଥନା, ମାଣିକ ପଥର, ଲାଲ୍ ରଙ୍ଗ ବ୍ୟବହାର କରନ୍ତୁ । ମାଣିକକୁ
ଉପଯୁକ୍ତ ଶୋଧନ ଓ ପୂଜନ କରି ତାହାକୁ ଏକ ତମ୍ବା ପାତ୍ରରେ ରଖନ୍ତୁ ଏବଂ ପୂର୍ବ ଦିଗରେ ମାଟିତଳେ
ଏହାକୁ ସ୍ଥାପନ କରନ୍ତୁ । ଆଉ ଏକ ଉପାୟ ହେଲା ଯେ ଇନ୍ଦ୍ରର ଅସ୍ତ୍ର ‘ବଜ୍ର’ ର ଛବି କୁ ଏକ ତମ୍ବା ପତ୍ର ଉପରେ ଅଙ୍କିତ କରି ଓ ବିଧିବିଧାନ ସହିତ ଶୋଧନ ଓ
ପୂଜନ କରି ଭୂମିତଳେ ପୂର୍ବ ଦିଗରେ ସ୍ଥାପନ କରନ୍ତୁ ।
(୨) ପୂର୍ବ-ଦକ୍ଷିଣ-ପୂର୍ବ ଦିଗ - (ବାୟୁତତ୍ୱ)
ଏହି ଦିଗର ରଙ୍ଗ ସବୁଜ ଅଟେ । ଏହି ଦିଗ ମନ୍ଥନ ଓ ବିଶ୍ଳେଷଣର ଦିଗ ଅଟେ । ଯେକୈାଣସି ନିଷ୍ପତି ନେବା ପୂର୍ବରୁ ଯେଉଁ ବିଚାର ଶକ୍ତି ଓ ବିଶ୍ଳେଷଣର ଆବଶ୍ୟକତା ଥାଏ ତାହାର ଦକ୍ଷତା ଏହି ଦିଗ ଯୋଗାଇ ଦେଇଥାଏ । ଯଦି ଏହି ଦିଗରେ ଉର୍ଜା କମ୍ ଥାଏ ତେବେ ବିବେକପୂର୍ଣ୍ଣ ନିଷ୍ପତି ନେଇହୁଏନାହିଁ । ଯଦି ଏହି ଦିଗ ବର୍ଦ୍ଧିତ ଥାଏ ତେବେ ଅତ୍ୟଧିକ ବିଶ୍ଳେଷଣ ଦ୍ୱାରା କୈାଣସି ନିଷ୍ପତିରେ ପହଂଚି ହୁଏନାହିଁ କିମ୍ବା ତାହା କାର୍ଯ୍ୟକାରୀ ହୁଏନାହିଁ ।
continue...
Comments
Post a Comment