।ଗୃହର ଦ୍ଵାର--
ବର୍ତ୍ତମାନ ଘରର ଦ୍ଵାର କେଉଁ ଦିଗ ଓ କେଉଁ ପଦରେ ରଖିଲେ ତାହା ଶୁଭ ଫଳ ଦେବ ତା' ଉପରେ ଆଲୋଚନା କରିବା.
ଗୃହର ଦ୍ୱାର-
ଗ୍ରନ୍ଥରେ ଚାରି ପ୍ରକାରର ଦ୍ୱାରର ବର୍ଣ୍ଣନା ଅଛି । ୧-ଉତ୍ସଙ୍ଗ- ଯଦି ଘରର ଦ୍ୱାର ଓ ଗେଟ୍ର ଦ୍ୱାର ସମାନ ଦିଗରେ ଥାଏ ତେବେ ଏହା ଶୁଭଙ୍କର୍ ଅଟେ । ଯଥା-ସମ୍ପନ୍ନତା, ସନ୍ତାନ, ମାନସିକ ଖୁସି ଓ ଆଧ୍ୟାତ୍ମିକ ଶାନ୍ତି ଆଦି ମିଳିଥାଏ । ୨-ହିନବାହୁ - ଯେତେବେଳେ ଆମେ ପ୍ଲଟ୍ର ଗେଟ୍ ହୋଇ ବାମପଟେ ଘରର ଦ୍ୱାରକୁ ପହଂଚୁ ତାହା ଦୁର୍ଭାଗ୍ୟ ଜନକ ଅଟେ । ୩-ପୂର୍ଣ୍ଣବାହୁ - ଯେତେବେଳେ ଆମେ ପ୍ଲଟ୍ର ଗେଟ୍ରେ ପ୍ରବେଶ କରୁ ଓ ଡାହାଣପଟେ ଘରର ମୁଖ୍ୟଦ୍ୱାର ଥାଏ ତେବେ ତାହା ଶୁଭ ଅଟେ । ୪-ପ୍ରତ୍ୟାଖ୍ୟାୟ - ଯେତେବେଳେ ଆମେ ପ୍ଲଟ୍ର ଦ୍ୱାର ଓ ଘରର ମୁଖ୍ୟ ଦ୍ୱାରା ବିପରୀତ ଦିଗରେ ଥାଏ ତାହା ଦୁର୍ଭାଗ୍ୟଜନକ ଅଟେ ।
ବର୍ତମାନ ଆମେ ଜାଣିବା କେଉଁ ଦିଗରେ ଓ କେଉଁ ପଦରେ ଘରର ମୁଖ୍ୟ ଦ୍ୱାର କଲେ ଅତିବ ଶୁଭଫଳ ମିଳିଥାଏ । ତାହା ବର୍ଣ୍ଣନା କରିବାକୁ ଯାଉଅଛୁ ।
ଇଶାନ କୋଣରୁ ଅଗ୍ନିକୋଣ ପର୍ଯ୍ୟନ୍ତ ପୂର୍ବ ଦିଗ ଅଟେ । ଅଗ୍ନିକୋଣରୁ ନିରୁତ କୋଣ ଦକ୍ଷିଣ ଦିଗ ଅଟେ । ନିରୁତ କୋଣରୁ ବାୟୁ କୋଣ ପଶ୍ଚିମ ଦିଗଅଟେ । ବାୟୁ କୋଣରୁ ଐଶାନ୍ୟ କୋଣ ଉତର ଦିଗ ଅଟେ । ଯଦି ପ୍ଲଟ୍ର ପ୍ରତ୍ୟେକ ଦିଗକୁ ସମାନ୯ଭାଗରେ ବିଭକ୍ତ କରାଯାଏ ତେବେ ଆମେ ଜାଣିପାରିବା କେଉଁ ଭାଗରେ ବା କେଉଁ ପଦରେ ମୁଖ୍ୟ ଦ୍ୱାରା କଲେ ଶୁଭ ଅଟେ ।
ପୂର୍ବଦିଗ-
(୧) ଇଶ / ଶିଖି - ଏହି ଦିଗରେ ଦ୍ୱାର କଲେ ଅଗ୍ନିର ଭୟ ଥାଏ ।
(୨) ପର୍ଜନ୍ୟ - ଏହି ଦିଗରେ ଦ୍ୱାର କଲେ କନ୍ୟା ସନ୍ତାନ ଅଧିକ ଜନ୍ମ ହୁଅନ୍ତି ଏବଂ ପ୍ରଚୁର ଧନ ମଧ୍ୟ ଆସେ ।
(୩) ଜୟନ୍ତ - ପ୍ରଚୁର ଧନ ଓ ସମ୍ପନ୍ନତା ଆସିଥାଏ ।
୪) ମହେନ୍ଦ୍ର - ସରକାରଙ୍କ ପାଖରୁ ପ୍ରଚୁର ସାହାଯ୍ୟ ଆସିଥାଏ ।
(୫) ଆଦିତ୍ୟ / ସୂର୍ଯ୍ୟ - କ୍ରୋଧ ବଢ଼ିଥାଏ ।
(୬) ସତ୍ୟ - ମିଛ କଥା କହିବା ଅଭ୍ୟାସରେ ପରିଣତ ହୁଏ ।
(୭) ବୃଷ - ନିଷ୍ଠୁରତା ପ୍ରକାଶ ପାଏ । ଠକିବା ମନୋବୃତି ରହେ ।
(୮) ଅନ୍ତରୀକ୍ଷ - ଚୋରି କରିବା ମନବୃତି ରହେ ।
(୯) ଅଗ୍ନି - କମ୍ ସନ୍ତାନ ସନ୍ତତି ହୁଅନ୍ତି ।
ଦକ୍ଷିଣ ଦିଗ -
(୧) ପୁଶା - କାହା ପାଖରେ ଚାକିରୀ କରିବାର ମନବୃତି ।
(୨) ବିତଥ - ଏକୁଟିଆ ଅନୁଭବ କରେ ।
(୩) ଗୃହକ୍ଷତ - ସମ୍ପନ୍ନତା ଆଣିଥାଏ ।
(୪) ଯମ - କ୍ରୋଧ ବଢ଼ାଇଥାଏ ।
(୫) ଗନ୍ଧର୍ବ - ଅନ୍ୟର ସାହାଯ୍ୟକୁ ଭୁଲି ଯାଇଥାଏ ।
(୬) ଭୃଙ୍ଗରାଜ - ଧନର ହାନି ହୁଏ ।
(୭) ମ୍ରିଗ - ସନ୍ତାନର ହାନି ହୋଇଥାଏ ।
(୮) ପିତୃ - ସନ୍ତାନମାନେ ପୀଡ଼ା ପାଇଥାନ୍ତି ।
ପଶ୍ଚିମ ଦିଗ -
(୧) ଦ୍ୱାରିକା - ଶତୃତା ବୃଦ୍ଧି
(୨) ସୁଗ୍ରୀବ - ଶତୃତା ବୃଦ୍ଧି
(୩) ପୁଷ୍ପଦନ୍ତ - ଧନର ଆଗମନ
(୪) ବରୁଣ - ଧନ ଓ ସମ୍ପତିର ଆଗମନ
(୫) ଅସୁର -ସରକାରଙ୍କ ପକ୍ଷରୁ ଦଣ୍ଡ ଭୟ
(୬) ଶୋସ- ଧନ ଓ ସମ୍ପତିର ହାନି
(୭) ରୋଗ - ରୋଗ
(୮) ମାରୁତ - ମୃତ୍ୟୁ କିମ୍ବା ରାଜବନ୍ଦୀ
ଉତର ଦିଗ -
(୧) ନାଗ -ଶତୃତା
(୨) ମୁଖ୍ୟ - ଧନ, ସମ୍ପତି ଓ ସନ୍ତାନର ବୃଦ୍ଧି
(୩) ଭଲ୍ଲାଟ -ଧନ ଓ ସମ୍ପତିର ସମ୍ପନ୍ନତା
(୪) ସୋମ - ଧନ ଓ ପୁତ୍ର ସନ୍ତାନର ଲାଭ
(୫) ମ୍ରିଗ - ପୁତ୍ର ସନ୍ତାନ ପ୍ରତି କୈାଣସି ସ୍ନେହ ନଥାଏ
(୬) ଅଦିତି - ମହିଳାମାନେ ପୀଡ଼ା ପାଇଥାନ୍ତି
(୭) ଉଦିତି - ଗରିବ ହୋଇଥାନ୍ତି
ତେଣୁ ଗୃହର ପୂର୍ବ ଦିଗରେ ପର୍ଜନ୍ୟ, ଜୟନ୍ତ ଓ ଇନ୍ଦ୍ର, ଉତର ଦିଗରେ ମୁଖ୍ୟ, ଭଲ୍ଲାଟ ଓ ସୋମ, ପଶ୍ଚିମ ଦିଗରେ ପୁଷ୍ପଦନ୍ତ, ବରୁଣ, ଦ୍ୱାରିକା, ଦକ୍ଷିଣ ଦିଗରେ ଗୃହକ୍ଷତ ଆଦି ପଦରେ ଘରର ମୁଖ୍ୟ ଦ୍ୱାର କରିବା ଅତ୍ୟନ୍ତ ଶୁଭ ଅଟେ ।
Comments
Post a Comment