ଆଜି ପଶ୍ଚିମ ଓ 'ପଶ୍ଚିମ-ଉତର-ପଶ୍ଚିମ ଦିଗରେ ଥିବା ବାସ୍ତୁ ଦୋଷ ର କାରଣ ଓ ପ୍ରତିକାର ଉପରେ କିଛି ଲେଖିବାକୁ ଯାଉଅଛି।

(୯) ପଶ୍ଚିମ ଦିଗ - (ଆକାଶ ତତ୍ୱ) (ଧଳାରଙ୍ଗ)

ସୃଜନଶୀଳତା, ସନ୍ତାନମାନଙ୍କ ସହିତ ଆପଣଙ୍କର ସମ୍ପର୍କ, ଚାକିରୀ କ୍ଷେତ୍ର, ଅବସର, ଲାଭ, ଧନ ଆଦି ଏହି ଦିଗ ସୂଚାଇଥାଏ । ଏହି ଦିଗ ପ୍ରତ୍ୟେକ କ୍ଷେତ୍ରରେ ଆପଣଙ୍କୁ ଲାଭାନ୍ୱିତ କରିଥାଏ । ଏହି ଦିଗ ଡ଼ାଇନିଂଗ୍ ଟେବୁଲ୍‌, ଶୟନ କକ୍ଷ ଏବଂ ମନ୍ଦିର୍ ପାଇଁ ଉପଯୁକ୍ତ ଅଟେ । ଯଦି ଏହି କ୍ଷେତ୍ରରେ ଶୈାଚାଳୟ ଥାଏ ତେବେ ଆପଣଙ୍କର ସମସ୍ତ ଲାଭ କୁ ହାନିରେ ପରିଣତ କରିଥାଏ ଏବଂ ଆପଣଙ୍କର କୋଣସି ପ୍ରକାର କାର୍ଯ୍ୟକୁ ସଫଳ କରାଇନଥାଏ ।

            ଯଦି ଏହି ଦିଗ କଟିଥାଏ ତେବେ ଭୈାତିକ ଲାଭ ଯଥା ଟଙ୍କା, ବାହାନ, ଘର ଓ ଗହଣା ଆଦି ଯୋଗାଡ଼ କରିବାରେ ଅସମର୍ଥ ପ୍ରକାଶ କରିଥାନ୍ତି । ହଳଦିଆ କିମ୍ବା ଧଳା ରଙ୍ଗ ଏହାର ସମାଧାନ ଅଟେ ।

            ଯଦି ଏହା ବର୍ଦ୍ଧିତ ହୋଇଥାଏ ତେବେ ଆପଣଙ୍କ ପାଖରେ ପ୍ରଚୁର ଧନ ଆସିଥାଏ କିନ୍ତୁ ତାକୁ ଆପଣ କୈାଣସି କାର୍ଯ୍ୟରେ ଲଗାଇପାରନ୍ତି ନାହିଁ । ଯଦି ଆପଣ କାହାକୁ ଉଦ୍ଧାର ଦେଇଥାଆନ୍ତି ତେବେ ଉଦ୍ଧାର ଟଙ୍କା ଫେରସ୍ତ ପାଇବା ପାଇଁ ଅଯଥା ବିଳମ୍ବ ଓ କଷ୍ଟକର ହୋଇଥାଏ । ନିଜ ଜୀବନରେ ତଥା ବ୍ୟବସାୟିକ କ୍ଷେତ୍ରରେ ସମ୍ପର୍କରେ ନ୍ୟୁନତା ଆସିଥାଏ । ପତ୍ନୀ ଓ ସନ୍ତାନମାନେ ଆପଣଙ୍କ ପାଖରେ ସଦାସର୍ବଦା ଅଭଯୋଗ କରିଥାନ୍ତି ।

            ଏହି ଦିଗର ଗ୍ରହ-ଶନି, ଦିକ୍‌ପାଳ-ବରୁଣ, ଅସ୍ତ୍ର-ପାଶ ଅଟେ । ଏହି ଦିଗକୁ ସନ୍ତୁଳିତ କରିବା ପାଇଁ ପାଶର ଚିତ୍ର  ରୂପାରେ ଅଙ୍କିତ କରି ଭୁମି ତଳେ ସ୍ଥାପନ କରନ୍ତୁ । ଶନି ଦେବତାଙ୍କର ପୂଜନ, ହବନ, ବଳୀ ଓ ଭୋଜନ ଆଦି ଦେଇ ସନ୍ତୁଷ୍ଟ କରନ୍ତୁ ।

ଏହି ଦିଗ ସୃଜନଶୀଳତା ଏବଂ ସନ୍ତାନକୁ ଦର୍ଶାଇଥାଏ ।

            ଯଦି ଏହି ଦିଗରେ ଦୋଷ ଥାଏ ତେବେ-

- ସୃଜନଶୀଳତାରେ ହାନି ହୋଇଥାଏ ।

- ସନ୍ତାନଙ୍କ ସହିତ ଭଲ ସମ୍ପର୍କ ରହେନାହିଁ ।

ନିରାକରଣ-

- ରାଉଣ୍ଡ୍ ଏବଂ ଓଭାଲ୍ ଆକାରର ମେଟାଲିକ୍ ରଙ୍ଗ ଲଗାନ୍ତୁ ।

ଏହି ଦିଗରେ ଥିବା କାନ୍ଥ ଓ ଫର୍ଣ୍ଣିଚର୍‌କୁ ଧଳା ରଙ୍ଗ କରନ୍ତୁ । ଧଳା ରଙ୍ଗର ତକିଆ ଖୋଳ, ବିଛଣାଚାଦର ଆଦିକୁ ବ୍ୟବହାର କରନ୍ତୁ ।

- ଧଳା ରଙ୍ଗର ପୁଷ୍ପ ସ୍ଥାପନ କରନ୍ତୁ ।

(୧୦) ପଶ୍ଚିମ-ଉତର-ପଶ୍ଚିମ ଦିଗ - (ଆକାଶ ତତ୍ୱ) (ଧଳାରଙ୍ଗ)

ଏହି ଦିଗ ଡିପ୍ରେସନ୍ ଓ ରୋଦନ ର କ୍ଷେତ୍ର ଅଟେ । ଯଦି ଆପଣ ନକାରାତ୍ମକ ପ୍ରଭାବ ଦ୍ୱାରା କିଛି ସମୟ କାନ୍ଦିବା ପାଇଁ ଚାହାଁନ୍ତି ଓ ମନ ହାଲୁକା କରିବା ପାଇଁ ଚାହାଁନ୍ତି ତେବେ ଏହି ଦିଗ ଉତମ ଅଟେ । ଘରର ଅଳିଆ ଆବର୍ଜନା ଆଦି ରଖିବା ପାଇଁ ଏହି ଦିଗ ଉପଯୁକ୍ତ ଅଟେ ।