ପୂଜାଘର ଓ ବାସ୍ତୁ

(ସାଧାରଣତଃ ବାସ୍ତୁଦୋଷ ସମାଧାନ ଦିଗରେ ବାସ୍ତୁ ଟିପ୍‌ସ ଦେଖିବାକୁ ମିଳିଥାଏ । କିନ୍ତୁ ବାସ୍ତବରେ ଏହା କେତେ ଦୁରୁ କାର୍ଯ୍ୟ କରିଥାଏ? ଯଦି ବାସ୍ତୁଦୋଷ ଦୂର କରିବା ପୂର୍ବରୁ ପଂଚତତ୍ୱର ସନ୍ତୁଳନ, ମୁଖ୍ୟଦ୍ୱାରର ସନ୍ତୁଳନ, ରୋଷେଇ ଘରର ସନ୍ତୁଳନ ଓ ବାସ୍ତୁର ୧୬ଟି ଦିଗର ସନ୍ତୁଳନ ନ କରାଯାଏ ତେବେ ବାସ୍ତୁ ଟିପ୍‌ସ ର କାର୍ଯ୍ୟକାରୀତା ସନ୍ଦେହସ୍ପଦ ହୋଇଥାଏ ।)

 (୧) ଉତରପୂର୍ବ ଦିଗ -

ଏହି ଦିଗ ପୂଜାଘର ପାଇଁ ଉପଯୁକ୍ତ ଅଟେ । ଏହି ଘରେ ଥିବା ବ୍ୟକ୍ତିମାନଙ୍କୁ ସଦାସର୍ବଦା ଆଶିର୍ବାଦ ମିଳିଥାଏ । ଆପଣଙ୍କର ନିଷ୍ପତି ଠିକ୍ ହୋଇଥାଏ । ଆଧ୍ୟାତ୍ମିକ ଦୃଷ୍ଟିରୁ ଆପଣମାନେ ନିଜ ଜୀବନକୁ ଠିକ୍ ଭାବରେ ପରିଚାଳିତ କରିଥାନ୍ତି । ପୂଜାଘରେ ପଂଚଦେବତା ଓ ଶିବଙ୍କ ପରିବାର ସ୍ଥାପନ କରିବା ଉତମ ଅଟେ ।

(୨) ପୂର୍ବ-ଉତର-ପୂର୍ବ ଦିଗ -

ଏହି ଦିଗରେ ଥିବା ପୂଜାଘର ମାନସିକ ଅଶାନ୍ତିକୁ ଲାଘବ କରାଇଥାଏ । ଆପଣମାନେ ଜୀବନକୁ ସହଜରେ କଟାଇଥାନ୍ତି । ଏହି ଦିଗରେ ରାଧାକୃଷ୍ଣଙ୍କୁ ପୂଜା କରିବା ଉଚିତ୍ ଅଟେ ।

(୩) ପୂର୍ବ ଦିଗ -

ଏହି ଦିଗରେ ଥିବା ପୂଜାଘର ପ୍ରଶାସନ ଅଧିକାରୀ ଓ ରାଜନୈତିକ ନେତାଙ୍କ ପାଇଁ ଉତମ ଅଟେ । ଶ୍ରୀରାମ୍‌ଙ୍କର ପରିବାର ଓ ଲକ୍ଷ୍ମୀ ବିଷ୍ଣୁଙ୍କୁ ପୂଜା କରିବା ଉତମ ଅଟେ ।

 

୪) ପୂର୍ବ-ଦକ୍ଷିଣ-ପୂର୍ବ ଦିଗ -

ଏହି ଦିଗରେ ପୂଜାଘର ଅସ୍ଥିରତା ଓ ଉଦ୍‌ବେଗତା ଆଣିଥାଏ । କିନ୍ତୁ ଏହି ପୂଜାଘର ଇନ୍‌ଭେଷ୍ଟ୍‌ମେଂଟ୍ ପାଇଁ ଉତମ ଅଟେ ।

(୫) ଦକ୍ଷିଣ-ପୂର୍ବ ଦିଗ -

ଏହି ଦିଗରେ ଥିବା ପୂଜାଘର ମା ଦୁର୍ଗାଙ୍କ ପାଇଁ ସର୍ବୋତମ ଅଟେ । ଅନ୍ୟ ଦେବୀ ଦେବତାଙ୍କର ପୂଜାକଲେ ଦୁର୍ଘଟଣା ଏବଂ ଧନହାନୀର ସମ୍ଭାବନା ରହିଥାଏ ।

(୬) ଦକ୍ଷିଣ-ଦକ୍ଷିଣ-ପୂର୍ବ ଦିଗ -

ଏହି ଦିଗରେ ଥିବା ପୂଜାଘରେ ହନୁମାନଙ୍କର ପୂଜା କରିବା ଉଚିତ୍ ଅଟେ । କିନ୍ତୁ ଅନ୍ୟ ଦେବୀ ଦେବତାଙ୍କର ପୂଜା କଲେ ତାହା ନିଷ୍ଫଳତା ଦେଇଥାଏ ।

(୭) ଦକ୍ଷିଣ ଦିଗ -

ଏହି ଦିଗରେ ଥିବା ପୂଜାଘରେ ମା କାଳୀଙ୍କର ପୂଜା କରିବା ଅତ୍ୟନ୍ତ ଶୁଭ ଅଟେ । ଅନ୍ୟ ଦେବୀ ଦେବତାଙ୍କର ପୂଜା କଲେ ତାହା ନିଷ୍ଫଳତା ଦେଇଥାଏ । କିନ୍ତୁ ଏହି ଦିଗରେ ଥିବା ପୂଜାଘର ଆଧ୍ୟାତ୍ମିକ ଧ୍ୟାନ ପାଇଁ ସର୍ବୋତମ ଅଟେ । ମନରେ ଏକାଗ୍ରତା ଆଣିଥାଏ ।

(୮) ଦକ୍ଷିଣ-ଦକ୍ଷିଣ-ପଶ୍ଚିମ ଦିଗ -

ଏହି ଦିଗରେ ପୂଜା ଘର କରନ୍ତୁ ନାହିଁ ।

(୯) ଦକ୍ଷିଣ-ପଶ୍ଚିମ ଦିଗ -

ଏହି ଦିଗରେ ପୂଜାଘର ଥିଲେ ଦେଇଥିବା ଧନ ଫେରି ପାଇବାରେ ବିଳମ୍ବ ହୋଇଥାଏ । ଆର୍ଥିକ ପ୍ରଗତିକୁ ହାନି କରାଇଥାଏ । ବିଶ୍ୱକର୍ମାଙ୍କର ପୂଜା ଏହି ଦିଗରେ ଥିବା ପୂଜାଘରେ କରିବା ଉଚିତ୍ ଅଟେ । ଏହି ଦିଗରେ ଥିବା ପୂଜାଘର ଦକ୍ଷତା ବୃଦ୍ଧି କରାଇଥାଏ । ଏହି ଦିଗକୁ ପିତୃସ୍ଥାନ ବୋଲି କୁହାଯାଏ । ତେଣୁ ପିତୃପୂଜା ଏହି ଦିଗରେ ଥିବା ପୂଜାଘରେ ବିଧେୟ ଅଟେ ।

(୧୦) ପଶ୍ଚିମ-ଦକ୍ଷିଣ-ପଶ୍ଚିମ ଦିଗ -

ଏହି ଦିଗରେ ଥିବା ପୂଜାଘରେ ମା ସରସ୍ୱତୀଙ୍କର ପୂଜା କରିବା ଉଚିତ୍ ଅଟେ । ଅନ୍ୟ ଦେବୀ ଦେବତାଙ୍କର ପୂଜା କରିବା ଉଚିତ୍ ନୁହେଁ ।

(୧୧) ପଶ୍ଚିମ ଦିଗ -

ଗୁରୁ ଓ ପ୍ରକୃତିର ପୂଜା କରିବା ପାଇଁ ଏହି ଦିଗରେ ଥିବା ପୂଜାଘର ସର୍ବୋତମ ଅଟେ । ଏହା ସକଳ ପ୍ରକାରର ଆର୍ଥିକ ଅଭିବୃଦ୍ଧି, ଲାଭ ଓ ଉନ୍ନତି ପଥରେ ଅଗ୍ରସର କରାଇଥାଏ । ଅନ୍ୟମାନଙ୍କର ପୂଜା କରିବା ଉଚିତ୍ ନୁହଁ । ଶିଖ୍ ଗୁରୁ, ଜୈନ ଗୁରୁ, ସାଇବାବା, ଭଗବାନ ବୁଦ୍ଧ, ଭଗବାନ ମହାବୀର୍ ଆଦି ଧାର୍ମିକ ଗୁରୁଙ୍କର ପୂଜାକରିବା ଶୁଭଙ୍କର ଅଟେ ।

୧୨) ପଶ୍ଚିମ-ଉତର-ପଶ୍ଚିମ ଦିଗ -

ଏହି ଦିଗରେ ପୂଜାଘର କରିବା ଉଚିତ୍ ନୁହେଁ ।

(୧୩) ଉତର-ପଶ୍ଚିମ ଦିଗ -

ଏହି ଦିଗରେ ଥିବା ପୂଜାଘରେ ପିତୃଙ୍କର ପୂଜା କରିବା ବିଧେୟ ଅଟେ ।

(୧୪) ଉତର-ଉତର-ପଶ୍ଚିମ ଦିଗ -

ଏହି ଦିଗରେ ପୂଜାଘର କରିବା ଉଚିତ୍ ନୁହେଁ ।

(୧୫) ଉତର ଦିଗ -

ଏହି ଦିଗରେ ଥିବା ପୂଜାଘରେ ଶ୍ରୀଗଣେଷ ଓ ଲକ୍ଷ୍ମୀଙ୍କର ପୂଜା କରିବା ଲାଭଦାୟକ ଅଟେ । ଅନ୍ୟ ଦେବୀ ଦେବତାଙ୍କର ପୂଜା କରନ୍ତୁ ନାହିଁ ।

୧୬) ଉତର-ଉତର-ପୂର୍ବ ଦିଗ -

ଏହି ଦିଗରେ ଥିବା ପୂଜା ଘର କୈାଣସି ପ୍ରକାରର ଲାଭପ୍ରଦ ନୁହେଁ ।