ପୁସ୍ତକ, 'ବାସ୍ତୁ ଶାସ୍ତ୍ର ସୌଭାଗ୍ୟ' ରୁ ଉଦ୍ଧୃତ--

ବର୍ତ୍ତମାନ ଆମେ ଅଗ୍ନି ତତ୍ତ୍ଵ', ବାୟୁ ତତ୍ତ୍ଵ' ଓ ଆକାଶ ତତ୍ତ୍ଵ' ଉପରେ ଜାଣିବା--

ଅଗ୍ନି ତତ୍ୱ -

            ଏହି ତତ୍ୱ ‘ମନୋମୟ’ କୋଷକୁ ବୁଝାଇଥାଏ । ଏହା ଯେକୈାଣସି କାର୍ଯ୍ୟକୁ କିମ୍ବା ବ୍ୟକ୍ତିମାନଙ୍କୁ ନିୟନ୍ତ୍ରିତ କରିଥାଏ ଏବଂ ସେମାନଙ୍କଠାରୁ କାମ ଆଦାୟ କରିବାରେ ଦକ୍ଷ ହୋଇଥାନ୍ତି । ଏହି ତତ୍ୱ ଧନ, ଯଶ, ମାନ, ଖ୍ୟାତି ଓ ସାମାଜିକ ପ୍ରତିଷ୍ଠା ଆଦି ଦେଇଥାଏ । ଏହି ତତ୍ୱ ବିଜ୍ଞାନ ସମତ ଚିନ୍ତାଧାରାରେ ଯେକୈାଣସି କାର୍ଯ୍ୟକୁ କରିଥାନ୍ତି ।

            ଏହା ‘ମଣିପୁର’ ଚକ୍ର କୁ ବୁଝାଇଥାଏ । ରଙ୍ଗ ‘ଲାଲ୍‌’ ଅଟେ । ତନ୍‌ମାତ୍ରା- ‘ରୂପ’ ଅଟେ । ଲୋକ - ‘ସ୍ୱଃ’ ଅଟେ । ଗୁଣ- ‘ରାଜସିକ’ ଓ ଶରୀର- ‘ସୁକ୍ଷ୍ମ’ ଅଟେ ।

ଯେତେବେଳେ ଏହି ତତ୍ୱ ସନ୍ତୁଳିତ ଥାଏ ତେବେ ମନୋମୟ ଶକ୍ତିରେ ଯଥେଷ୍ଠ ବୁଦ୍ଧି ଆଣିଥାଏ । ଯେକୈାଣସି କାର୍ଯ୍ୟକୁ ବିଜ୍ଞାନ ସମତ ଚିନ୍ତାଧାରାରେ କରିଥାନ୍ତି । ସେ ଭାବନ୍ତି ଯେ ପ୍ରତ୍ୟେକ କାର୍ଯ୍ୟ ତାଙ୍କ ଦ୍ୱାରା ହୋଇପାରିବ । ବ୍ୟକ୍ତିତ୍ୱରେ ଆକର୍ଷଣ ରହିଥାଏ । ସମସ୍ତଙ୍କୁ ଭଲ ପାଇଥାନ୍ତି । ଲିଡର୍‌ସିପ୍ ଗୁଣର ଅଭିବୃଦ୍ଧି ହୋଇଥାଏ । କେବେହେଲେ ମନରେ ହୀନ ଭାବନା ଆଣିନଥାନ୍ତି ।

ଯେତେବେଳେ ଏହି ତତ୍ୱ ଅଧିକ ଉର୍ଜା ଦ୍ୱାରା ଅସନ୍ତୁଳିତ ହୁଏ ତେବେ ବ୍ୟକ୍ତିବିଶେଷ ଆବଶ୍ୟକତାଠାରୁ ଅଧିକ ନିଜର ଜୀବନ ପ୍ରତି ଓ ନିୟନ୍ତ୍ରଣ ପ୍ରତି ସଜାଗ ରୁହନ୍ତି । ଏହି ବ୍ୟକ୍ତି ନିଜର ସମସ୍ତ ପ୍ରକାରର ଜ୍ଞାନ ଓ ଦକ୍ଷତାକୁ ଅନ୍ୟମାନଙ୍କୁ ନିୟନ୍ତ୍ରିତ କରିବା ପାଇଁ ବିନିଯୋଗ କରିଥାନ୍ତି । ଏହି ବ୍ୟକ୍ତିଙ୍କ ପାଖରେ ପ୍ରଚୁର ମାତ୍ରାରେ ‘ଅହଂ’ ଭାବନା ଭରିରହିଥାଏ । ପ୍ରତୁର କ୍ରୋଧି ବି ହୋଇଥାନ୍ତି ।

ଯଦି ଏହି ତତ୍ୱ କମ୍ ଉର୍ଜା ଦ୍ୱାରା ଅସନ୍ତୁଳିତ ହୋଇଥାଏ ତେବେ ଆତ୍ମ ବିଶ୍ୱାସରେ ହାନି ହୋଇଥାଏ ଏବଂ ନିଜକୁ ଅଯୋଗ୍ୟ ବୋଲି ଭାବନ୍ତି । ସେ ଜୀବନରେ ଯାହା ଚାହଁନ୍ତି ତାହା କେବେ ବି ପାଇପାରନ୍ତି ନାହିଁ । ନିଜେ ଦୃଢ଼ ନିଷ୍ପତି ନେଇପାରନ୍ତି ନାହିଁ । ଶାନ୍ତ ରହିଥାନ୍ତି ଓ ଅନ୍ୟମାନଙ୍କୁ ତାଙ୍କ ଜୀବନ ଓ ଉଦ୍ଦେଶ୍ୟ ସହିତ ଖେଳିବାର ସୁଯୋଗ ଦେଇଥାନ୍ତି । ସଦାସର୍ବଦା ଭୟଭୀତ ରୁହନ୍ତି । ତେଣୁ ଏକୁଟିଆ ରୁହନ୍ତି । ସମ୍ପର୍କରେ ହାନି ହୋଇଥାଏ । ସ୍ୱାସ୍ଥ୍ୟ ଉତମ ରୂହେ ନାହିଁ ।

ଏହି ତତ୍ୱ ଆତ୍ମସମ୍ମାନ ଓ ସାହସକୁ ବୁଝାଇଥାଏ ।

            ବାସ୍ତୁରେ ଏହି ତତ୍ୱ ଦକ୍ଷିଣ-ପୂର୍ବ, ଦକ୍ଷିଣ-ଦକ୍ଷିଣ-ପୂର୍ବ ଏବଂ ଦକ୍ଷିଣ ଦିଗକୁ ବୁଝାଇଥାଏ ।

            ଯେତେବେଳେ ଗୃହରେ ଏହି ତତ୍ୱ ସନ୍ତୁଳିତ ଥାଏ ତେବେ ଆପଣଙ୍କ ପାଖରେ ସଦାସର୍ବଦା ଟଙ୍କା ରହିଥାଏ । ଆତ୍ମବିଶ୍ୱାସ ଭରପୁର ଥାଏ । ଯେକୈାଣସି କାର୍ଯ୍ୟକୁ ସହଜରେ କରିପାରିଥାନ୍ତି । ନିଜର ଉଦ୍ଦେଶ୍ୟକୁ ପୁର୍ଣ୍ଣ କରିପାରିଥାନ୍ତି । ଯଦି ଏହି ତତ୍ୱ ଅସନ୍ତୁଳିତ ରୁହେ ଦେଇଥିବା ଟଙ୍କାକୁ ଫେରି ପାଇବାରେ ବାଧା ଓ ବିଳମ୍ବ ହୋଇଥାଏ । ଆତ୍ମ ବିଶ୍ୱାସରେ ହାନି ହୋଇଥାଏ । ଅଳସୁଆ ହୋଇଥାନ୍ତି । ବିବାହ ଓ ସନ୍ତାନ ଜନ୍ମରେ ଅଯଥା ବିଳମ୍ବ ହୋଇଥାଏ । ସ୍ୱାସ୍ଥ୍ୟ ଖରାପ ରୁହେ ।

            ଏହି ତତ୍ୱର ସମ୍ବନ୍ଧିତ କାରଖାନା- ଅଳଙ୍କାର, ଲୁଗା, ଇଂଟେରିଅର୍ ଡ଼ିଜାଇନ୍ ଆଦି ।

 ବାୟୁ ତତ୍ୱ -

            ଏହି ତତ୍ୱ ‘ଅନାହତ’ ଚକ୍ରକୁ ବୁଝାଇଥାଏ । ଏହି ଚକ୍ର ଚେତନା ଶକ୍ତିକୁ ବୁଝାଇଥାଏ । ଏହି ତତ୍ୱ ଦୟା, କ୍ଷମା ଏବଂ ସନ୍ତୁଳନକୁ ଦର୍ଶାଇଥାଏ । ଏହାର ମୁଖ୍ୟ ଉଦ୍ଦେଶ୍ୟ ହେଉଅଛି- ସମସ୍ତଙ୍କ ପାଖରେ ସମସ୍ତ ପ୍ରକାରର ସମ୍ପର୍କ ଓ ପ୍ରେମକୁ ବୁଝାଇଥାଏ । ଏହି ପ୍ରେମ ସାତ୍ୱିକ ଅଟେ । ଭଲ ପାଇବା ବଦଳରେ କିଛି ପାଇବା ଏମାନଙ୍କ ପାଖରେ ନଥାଏ । ଏହି ତତ୍ୱ ବିବାହକୁ ଦର୍ଶାଇଥାଏ । ଏହି ତତ୍ୱର ରଙ୍ଗ- ‘ସବୁଜ’, ତନ୍‌ମାତ୍ରା- ‘ସ୍ପର୍ଶ’, ଲୋକ- ‘ମହ’ ଲୋକ, ଗୁଣ- ‘ରାଜସିକ’ ଗୁଣ, କୋଷ- ‘ବିଜ୍ଞାନମୟ’ କୋଷ ଓ ଶରୀର- ‘କାରଣ’ ଶରୀର ଅଟେ । ‘ଫେଙ୍ଗ୍‌ସୁଇ’ ରେ କାଠ କୁ ବାୟୁ ତତ୍ୱ ରୁପରେ ନିଆଯାଇଅଛି । ପୂର୍ବ-ଉତର-ପୂର୍ବ, ପୂର୍ବ, ପୂର୍ବ-ଦକ୍ଷିଣ-ପୂର୍ବ ଆଦି ଦିଗକୁ ଏହି ତତ୍ୱ ଦର୍ଶାଇଥାଏ । ଏହି ତତ୍ୱର ବ୍ୟକ୍ତି ଚରାଚର ଜଗତକୁ ବିନା କିଛି ପାଇବାର ଆଶାରେ ଭଲ ପାଇଥାନ୍ତି ଓ ଆଦର କରିଥାନ୍ତି । ଏହି ବ୍ୟକ୍ତିର ମନରେ ସଦାସର୍ବଦା ସକରାତ୍ମକ ଉର୍ଜା ରହିଥାଏ । ଏହି ବ୍ୟକ୍ତି ଆଧ୍ୟାତ୍ମିକ କ୍ଷେତ୍ରରେ ଯଥେଷ୍ଠ ଉନ୍ନତି କରିଥାନ୍ତି । ଏବଂ ଉଚ୍ଚତର ଚେତନା ଶକ୍ତି ପାଖକୁ ଅଗ୍ରସର ହୋଇଥାନ୍ତି ।

 ଯଦି ଏହି ତତ୍ୱ ସନ୍ତୁଳିତ ଥାଏ ତେବେ ଏହି ବ୍ୟକ୍ତି ପାଖରେ ଧନ ଓ ସମ୍ପତିର ଅଭାବ ପରିଲିିକ୍ଷିତ ହୁଏନାହିଁ । ଏହି ବ୍ୟକ୍ତି ଭଗବାନଙ୍କର ଉର୍ଜାକୁ ବ୍ରହ୍ମାଣ୍ଡର ସମସ୍ତ ସୃଷ୍ଟି ପାଖରେ ଦେଖିପାରନ୍ତି ଓ ଅନୁଭବ କରିପାରନ୍ତି । ଯଦି ଏହି ତତ୍ୱ ଅସନ୍ତୁଳିତ ଥାଏ ତେବେ ବିଭିନ୍ନ ପ୍ରକାରର ଗଣ୍ଡଗୋଳ ଏବଂ ପଡ଼ୋଶୀ ସହିତ ସମସ୍ୟାରେ ସମ୍ମୁଖୀନ ହୋଇଥାନ୍ତି । ଛୋଟ ଛୋଟ କଥାରେ ଝଗଡ଼ା କରିଥାନ୍ତି ।

ଆକାଶ ତତ୍ୱ -

            ଏହି ତତ୍ୱର ରଙ୍ଗ ଧୁସର / ଧଳା, ଗୁଣ- ‘ସାତ୍ୱିକ’, ଲୋକ- ‘ଜନଃ’, ତନ୍‌ମାତ୍ରା- ‘ଶବ୍ଦ’,କୋଷ- ‘ଆନନ୍ଦମୟ’ କୋଷ ଅଟେ । ବାସ୍ତୁରେ ପଶ୍ଚିମ-ଉତର-ପଶ୍ଚିମ, ପଶ୍ଚିମ ଓ ଉତର-ପଶ୍ଚିମ ଦିଗକୁ ଏହି ଆକାଶ ତତ୍ୱ ଦର୍ଶାଇଥାଏ । ଯଦି ଏହି ତତ୍ୱ ସନ୍ତୁଳିତ ଥାଏ ତେବେ ଆପଣମାନେ ଧନ ଓ ସମ୍ପତିରେ ଯଥେଷ୍ଟ ବୃଦ୍ଧି ହୋଇଥାଏ ଓ ଜୀବନରେ ଆପଣ ସଦାସର୍ବଦା ଅଗ୍ରସର ହୋଇଥାନ୍ତି । ଏହି ତତ୍ୱ ସମସ୍ତଙ୍କ ସହିତ ସୁମଧୁର ସମ୍ପର୍କ ରଖିଥାଏ । ଆତ୍ମଜ୍ଞାନରେ ବୃଦ୍ଧି ହୋଇଥାଏ ଏବଂ ସୃଜନଶୀଳତାରେ ବୃଦ୍ଧି ହୁଏ । ଏହା ‘ବିଶୁଦ୍ଧି’ ଚକ୍ରକୁ ଦର୍ଶାଇଥାଏ ।

ଯଦି ଏହି ତତ୍ୱ ଅଧିକ ଉର୍ଜା ଦ୍ୱାରା ଅସନ୍ତୁଳିତ ହୋଇଥାଏ ତେବେ ଆପଣ ସମ୍ପର୍କବିହୀନ ବିଷୟରେ ଅଯଥା ଅଧିକ କଥାବାର୍ତା କରିଥାନ୍ତି । ଆପଣ କଥାବାର୍ତା କରିବା ପାଇଁ ହିଁ କଥାବାର୍ତା କରିଥାନ୍ତି ।

ଯଦି ଏହି ତତ୍ୱ କମ୍ ଉର୍ଜା ଦ୍ୱାରା ଅସନ୍ତୁଳିତ ହୁଏ ତେବେ ମନରେ ଅବସାଦ ଆସିଥାଏ, ଅସ୍ଥିରତା ଲାଗିରହେ ଓ ନିଜର ଦକ୍ଷତାକୁ କେବେହେଲେ ବୁଝିପାରନ୍ତି ନାହିଁ । ଜୀବନରେ ଆନନ୍ଦ ଉପଭୋଗ କରିପାରନ୍ତି ନାହିଁ । ଏ ବ୍ୟକ୍ତି ଭାବନ୍ତି ଯେ ତାଙ୍କୁ କେହି ଭଲ ପାଉନାହାଁନ୍ତି ଓ ସାହାଯ୍ୟ କରୁନାହାଁନ୍ତି । ଭୟ ସୃଷ୍ଟି ହୁଏ ଓ ଏହି ଭୟ ଏତେ ଗଭୀରତାକୁ ଚାଲିଯାଏ ଯେ ସେ ସମାଜଠାରୁ ଏକୁଟିଆ ହୋଇ ରହିବା ପାଇଁ ଭଲ ପାଏ.