ବିଥି ଶୂଳ
ବୀଥୀ’ (ରୋଡ୍) ଶୁଳ (trident) (road construction) ଘରର କେଉଁ ଦିଗ ରାସ୍ତାକୁ
ଛୁଇଁଅଛି ତାହା ବୁଝାଇଥାଏ । ଯଦି ଗୃହରେ ବୀଥୀଶୁଳ ଥାଏ ତେବେ ଏହା ଶାନ୍ତି ଓ ସମ୍ପନ୍ନତାରେ
ବାଧା ସୃଷ୍ଟି କରିଥାଏ । ଏହାକୁ ମଧ୍ୟ ‘ମର୍ମଭେଦ’ କୁହାଯାଏ । ଯେଉଁଠାରେ କି ପ୍ଲଟ୍ ଏକ trident ରେ ପରିଣତ
ହୁଏ । ଏହି ବୀଥୀଶୁଳ ଘରର ବିଭିନ୍ନ ଦିଗରେ ବିଭିନ୍ନ ପ୍ରକାରର ହୋଇଥାଏ ।
ବୀଥୀଶୁଳ ଗୋଟିଏ ପ୍ଲଟ୍ର
ବିଭିନ୍ନ ଦିଗରେ ଦେଖିବାକୁ ମିଳିଥାଏ ।
ବୀଥୀଶୁଳ ବାର ପ୍ରକାରର ଅଟେ
। ଏହି ଶୁଳ ଯେକୈାଣସି ଦିଗ ବା କୋଣରେ ରହିପାରେ । ତାହାର ବର୍ଣ୍ଣନା କରାଯାଉଛି ।
ଉତର-ପୂର୍ବ
ଓ ଉତର -ବୀଥୀଶୁଳ ଭଲ ଓ ଉପକାରୀ ଅଟେ ।
ଉତର-ପୂର୍ବ
ଓ ପୂର୍ବ -ବୀଥୀଶୁଳ ଭଲ ଓ ଉପକାରୀ ଅଟେ ।
ଉତର-ପଶ୍ଚିମ
ଓ ଉତର -ବୀଥୀଶୁଳ ଖରାପ ଅଟେ ।
ଉତର-ପଶ୍ଚିମ
ଓ ପଶ୍ଚିମ -ବୀଥୀଶୁଳ ଖରାପ ଅଟେ ।
ଦକ୍ଷିଣ-ପଶ୍ଚିମ
ଓ ପଶ୍ଚିମ -ବୀଥୀଶୁଳ ବିପଦପୂର୍ଣ୍ଣ ଅଟେ ।
ଦକ୍ଷିଣ-ପୂର୍ବ
ଓ ଦକ୍ଷିଣ -ବୀଥୀଶୁଳ ବିପଦପୂର୍ଣ୍ଣ ଅଟେ ।
ଦକ୍ଷିଣ-ପୂର୍ବ
ଓ ପୂର୍ବ -ବୀଥୀଶୁଳ ବିପଦପୂର୍ଣ୍ଣ ଅଟେ ।
ପୂର୍ବଦିଗ
-ବୀଥୀଶୁଳ ଖରାପ ଅଟେ ।
ଉତର ଦିଗ
-ବୀଥୀଶୁଳ ଭଲ ଅଟେ ।
ପଶ୍ଚିମ
ଦିଗ -ବୀଥୀଶୁଳ ସେତେ ଖରାପ ଫଳ ଦିଏନାହିଁ ।
ଦକ୍ଷିଣ
ଦିଗ -ବୀଥୀଶୁଳ ଖରାପ ଅଟେ ।
ଶିଳାନ୍ୟାଶ
ଘର ନିର୍ମାଣ ସମୟରେ ଯେଉଁ
ଯେଉଁଠି ସ୍ତମ୍ବ ଆସେ ସେହିଠାରେ ସକରାତ୍ମକ ଉର୍ଜାକୁ ସମସ୍ତ ଭବନରେ ଖେଳାଇବା ପାଇଁ କଳସ ଓ ଶିଳା
ଅର୍ଥାତ୍ ପଥର ଆଦି ସ୍ଥାପିତ କରାଯାଇଥାଏ । କଳସରେ ସକରାତ୍ମକ ଉର୍ଜା ଦେଉଥିବା ସାମଗ୍ରୀକୁ
ରଖାଯାଇଥାଏ । ତା ପରେ କଳସକୁ ବିଧିବିଧାନରେ ପୂଜା କରି ତାକୁ ତମ୍ବା ପାତ୍ରରେ ଘୋଡାଇ ସ୍ଥାପିତ
କରାଯାଏ । ଉତର ଭାରତରେ ଏହି ବିଧିକୁ ‘ଶିଳାନ୍ୟାଶ’ ଓ ଦକ୍ଷିଣ ଭାରତରେ ଏହାକୁ ‘ଗର୍ଭବିନ୍ୟାଶ’ କୁହାଯାଏ । ଶିଳା ଅର୍ଥାତ୍ ପଥରର ଆକାର ଆୟତକାର କିମ୍ବା ବର୍ଗାକାର ହେବା ଉଚିତ୍ ।
ପଥରର thickness ଲମ୍ବା ଓ ଚଉଡାର ଅଧା ହେବା ଦରକାର । ସ୍ତମ୍ବକୁ
ସ୍ଥାପିତ କରିବା ପାଇଁ ୪/୪.୫ ଫୁଟ୍ର ଗାତ ଖୋଳାଯାଏ । ତା ଉପରେ ତାରର ଜାଲି ରଖାଯାଏ । ଏହି
ଜାଲି କଂକ୍ରିଟ୍ କରିବା ପାଇଁ ରଖାଯାଏ । କପର୍ପ୍ଲେଟ୍ରେ ଶୁଭ ଚିହ୍ନ ନିର୍ମାଣ ହୋଇଥାଏ ।
କପର୍ପ୍ଲେଟ୍ ତଳେ କଳସ ସ୍ଥାପନ କରାଯାଏ । ତା ପରେ ସ୍ତମ୍ବର base footing ଠାରେ କଳସ ସ୍ଥାପନ କରି କଳସ ଉପରେ କପର ପ୍ଲେଟ୍ ରଖି କଂକ୍ରିଟିଙ୍ଗ୍ କରାଯାଏ ।
କଳସରେ ଅଷ୍ଟରତ୍ନ, ମାଣିକ, ପ୍ରବାଳ,
ମୋତି, ପାନ୍ନା, ଏଲୋସାଫାୟାର୍,
ଗୋମେଦ ଓ ନୀଲମ୍ ଆଦି ରଖାଯାଏ । ଔଷଧି ଯଥା-ବଚ, କୁଟ,
ଚନ୍ଦନ, ଜଟାମାଂସୀ, ସୁଣ୍ଠି,
ନାଗରମୋଥା, ଆମହଳଦୀ (ପ୍ରତ୍ୟେକ ୫୦ ଗ୍ରାମ୍) ଆଦି
କଳସରେ ରଖାଯାଏ । ଅଷ୍ଟ ଖଣିଜ ଯଥା-ଜାତିହିଙ୍ଗୁଳ, ହରତାଳ, ସୋନାମାକ୍ଷି, ମୈନ୍ସିଲ୍, ରାଜାବର୍ତ,
ଗେରୁ, ଅଞ୍ଜନ (ପ୍ରତ୍ୟେକ ୨୦ ଗ୍ରାମ୍) ଆଦି କଳସରେ
ରଖନ୍ତୁ । ଘରର ଲମ୍ବା ଓ ଚଉଡା ହିସାବରେ ଏହି ସବୁର ମାତ୍ରାକୁ ବୃଦ୍ଧି କରାଯାଇଥାଏ । ‘ପାରା’ କୁ ସମସ୍ତ ପଦାର୍ଥ ପରେ ରଖାଯାଏ । ନଦୀର ପବିତ୍ର ଜଳ
ଭର୍ତି କରାଯାଇଥାଏ । ଏହି ସବୁକୁ ବିଧବିଧାନ ଦ୍ୱାରା ପୂଜନ କରି କଳସକୁ ସ୍ଥାପିତ କରାଯାଏ ।
‘ନନ୍ଦା’, ‘ଭଦ୍ରା’, ‘ଜୟା’, ‘ରିକ୍ତା’
ଏବଂ ‘ପୂର୍ଣ୍ଣା’ ଏହି
ପାଂଚନାମ ଶିଳାର ନାମ ଅଟେ । ନନ୍ଦା ରେ କମଳ ର ଚିହ୍ନ, ଭଦ୍ରା ରେ
ସିଙ୍ଘାସନ ର ଚିହ୍ନ, ଜୟା ରେ ତୋରଣର ଚିହ୍ନ, ରିତା ରେ କୁର୍ମ ର ଚିହ୍ନ ଏବଂ ପୁର୍ଣ୍ଣା ରେ ଚତୁର୍ଭୁଜ ବିଷ୍ଣୁଙ୍କ ଚିହ୍ନ ଅଙ୍କିତ
କରନ୍ତୁ । ଏହାପରେ କ୍ରମରେ ବ୍ରହ୍ମା, ବିଷ୍ଣୁ, ରୁଦ୍ର, ଐଶାନ୍ୟ ଏବଂ ସଦାଶିବଙ୍କୁ ଆବାହନ କରନ୍ତୁ । ଏହି
ପାଂଚ ଦେବତାଙ୍କୁ ପଂଚଶିଳା ଉପରେ ଆବାହନ କରି ବିଧାନ ପୂର୍ବକ ଶିଳାଗୁଡିକୁ ସ୍ନାନ କରାନ୍ତୁ । ପାଂଚ
କଳସରେ ଯୁକ୍ତ ଶିଳାମାନଙ୍କୁ ସ୍ନାନ କରାନ୍ତୁ । କଳସର ନାମ କ୍ରମରେ - ପଦ୍ମ, ମହାପଦ୍ମ, ଶଙ୍ଖ, ବିଜୟ ଏବଂ
ସର୍ବତୋଭଦ୍ର ଅଟେ । ଏହିମାନଙ୍କୁ ମନ୍ତ୍ର ଦ୍ୱାରା ଆବାହନ କରନ୍ତୁ । ମାଟି, ଜଳ, ପଂଚକଷାୟ ପତ୍ର, ଗୋମୁତ୍ର,
ଗୋବର ଆଦି ଦ୍ୱାରା ସ୍ନାନ
କରାନ୍ତୁ । ତା ପରେ ଦୁଗ୍ଧ, ଦହି, ଘିଅ,
ମଧୁ, ପଂଚଗବ୍ୟ, କୁଶୋଦକ,
ଦୁର୍ବା, ଗନ୍ଧ, ସର୍ବଔଷଧି
ଜଳ, ଆଦି ଦ୍ୱାରା ସ୍ନାନ କରାନ୍ତୁ । ସ୍ନାନ କଲାପରେ ଅଭିଷେକ କରାନ୍ତୁ
। ଷୋଡଶ ଉପଚାର ଦ୍ୱାରା ପୂଜା କରନ୍ତୁ । ଶୁଭ ଲଗ୍ନରେ ଆଧାରକୁ ସ୍ଥାପିତ କରନ୍ତୁ । ଏହି ଆଧାର
ଶିଳା ଉପରେ ‘ପଦ୍ମ’ ନାମ କଳସରେ ସର୍ବଔଷଧି
ଜଳ, ପାରଦ, ଘିଅ, ମଧୁ
ପକାଇ କଳସକୁ ସ୍ଥାପିତ କରନ୍ତୁ । କଳସରେ ରତ୍ନକୁ ରଖି ସଦାଶିବଙ୍କର ଧ୍ୟାନ କରି ସ୍ଥାପିତ
କରନ୍ତୁ । ପୁନଃ ପୂଜନ କରି ଗାତର ବାମ ପଟେ ଦୀପକ ରଖି ତାହା ଉପରେ ‘ନନ୍ଦା’
ନାମକ ଶିଳାକୁ ପୂଜନ କରନ୍ତୁ । ଏହି ନନ୍ଦା କୁ ଶିଳା ଉପରେ ରଖା ହୋଇଥିବା କଳସ
ଉପରେ ସ୍ଥାପିତ କରନ୍ତୁ ।
ଦ୍ୱିତୀୟ ଆଧାର ଶିଳାକୁ ରଖି
ତାହା ଉପରେ ‘ମହାପଦ୍ମ’ ନାମକ କଳସକୁ
ସ୍ଥାପିତ କରନ୍ତୁ । ଏହି କଳସରେ ରତ୍ନ ରଖି ତାହା ଉପରେ ‘ଭଦ୍ରା’
ନାମକ ଶିଳା ରଖନ୍ତୁ । କୋଣରେ ଥିବା ଆଧାର ଶିଳା ଉପରେ ‘ଶଙ୍ଖ’ ନାମକ କଳସକୁ ବିଧିପୂର୍ବକ ପୂଜନ କରି ତାହା ଉପରେ ‘ଜୟା’ ନାମକ ଶିଳା ସ୍ଥାପିତ କରନ୍ତୁ ।
ତା ପରେ ‘ବିଜୟା’ ନାମକ କଳସକୁ ସ୍ଥାପିତ କରି ତା ଉପରେ ‘ରିକ୍ତା’ ନାମକ ଶିଳାକୁ ସ୍ଥାପିତ କରନ୍ତୁ । ଏହି ରିକ୍ତା
ଶିଳା ସମସ୍ତ ପ୍ରକାର ଦୁଃଖକୁ ହରଣ କରିଥାଏ ।
ତା ପରେ ଭୂମିର ମଧ୍ୟରେ ଆଧାର
ଶିଳାକୁ ରଖି ରତ୍ନରେ ପୂର୍ଣ୍ଣ ‘ସର୍ବତଭଦ୍ର’ ନାମକ କଳସକୁ ସ୍ଥାପିତ କରନ୍ତୁ । ବିଧିବଧେ ଏହାକୁ ପୂଜା କରି ସଦାଶିବଙ୍କର ଧ୍ୟାନ କରି
ଏହି କଳସ ଉପରେ ପୂର୍ଣ୍ଣ ଆନନ୍ଦ ଦେଉଥିବା ‘ପୂର୍ଣ୍ଣା’ ନାମକ ଶିଳାକୁ ଉପସ୍ଥାପିତ କରନ୍ତୁ । ଏହି ଗାତକୁ କଂକ୍ରିଟିଙ୍ଗ୍ କରିନିଅନ୍ତୁ ।
ଅନ୍ୟ କେତେଜଣଙ୍କ ମତରେ
ଅଗ୍ନିକୋଣରେ ଶିଳାର ସ୍ଥାପନ କରାଯାଏ ।ଏହି ଶିଳା ସମତଳ, ଚିକ୍କଣ,
ଶୁଭ ଲକ୍ଷଣ ଯୁକ୍ତ, କୁଶ ଦୁର୍ବା ଦ୍ୱାରା ଅଙ୍କିତ
ଛତ୍ର, ଧ୍ୱଜ, ଚାମର ଦ୍ୱାରା ଯୁକ୍ତ ଏହି
ଶିଳା ଅତ୍ୟନ୍ତ ଶୁଭ ହୋଇଥାଏ । କୁଶ ର ଆସ୍ତରଣ ଦ୍ୱାରା ଯୁକ୍ତ, କୁର୍ମ,
ମତ୍ସ୍ୟ, ଫଳରେ ଯୁକ୍ତ, ହସ୍ତୀ,
ଦର୍ପଣ ଓ ବଜ୍ର ଚିହ୍ନ ଦ୍ୱାରା ଅଙ୍କିତ, ଶ୍ରେଷ୍ଠ
ଦ୍ରବ୍ୟରେ ଅଙ୍କିତ ଶିଳା ଅତ୍ୟନ୍ତ ଶୁଭଦାୟକ ହୋଇଥାଏ । ଶ୍ରେଷ୍ଠ ପକ୍ଷୀ, ମୃଗର ଚିହ୍ନ, ବୃଷର ଚିହ୍ନ ଅଙ୍କିତ କରିବା ସର୍ବଦା ହିତକର
ଅଟେ । ସ୍ୱସ୍ତିକ୍, ବେଦୀରେ ଯୁକ୍ତ ଏବଂ ନନ୍ଦା ବର୍ତ ଚିହ୍ନରେ
ଅଙ୍କିତ, ପଦ୍ମ ଆଦି ଲକ୍ଷଣରେ ଯୁକ୍ତ ଶିଳା ସମସ୍ତ ଅର୍ଥରେ ସିଦ୍ଧି
ଦାୟକ ଅଟେ । ତଥା ଗାଇ, ଘୋଡାର ଚରଣର ଚିହ୍ନ ଆଦି ଶିଳାକୁ ଅତ୍ୟଧିକ
ଶୁଭ କରାଇଥାଏ ।
ବାସ୍ତୁ
ପୁରୁଷ ମଣ୍ଡଳର ଗୋଟିଏ ଗାର ମଧ୍ୟସ୍ଥାନର ଇଶରୁ ମଧ୍ୟସ୍ଥାନ ନିରୁତି ପର୍ୟ୍ୟନ୍ତ ଓ ଆଉ ଗୋଟିଏ
ଗାର ମଧ୍ୟ ସ୍ଥାନ ଅଗ୍ନିରୁ ମଧ୍ୟ ସ୍ଥାନ ମାରୁତ ପର୍ୟ୍ୟନ୍ତ କାଟନ୍ତୁ । ଆଉଗୋଟେ ଗାର ଜୟନ୍ତର
ମଧ୍ୟ ସ୍ଥାନରୁ ଭୃଙ୍ଗରାଜର ମଧ୍ୟ ସ୍ଥାନ ପର୍ୟ୍ୟନ୍ତ ଓ ଅଦିତିର ମଧ୍ୟ ସ୍ଥାନରୁ ସୁଗ୍ରୀବର
ମଧ୍ୟ ସ୍ଥାନ ପର୍ୟ୍ୟନ୍ତ କାଟନ୍ତୁ । ଆଉ ଏକ ଗାର ମୁଖ୍ୟର ମଧ୍ୟ ସ୍ଥାନରୁ ବୃଷର ମଧ୍ୟ ସ୍ଥାନ
ପର୍ୟ୍ୟନ୍ତ ଓ ଶୋଷର ମଧ୍ୟ ସ୍ଥାନରୁ ବିତଥ ପର୍ୟ୍ୟନ୍ତ କାଟନ୍ତୁ । ଏହି ଗାର ଗୁଡିକର ନିଜସ୍ୱ
ଲମ୍ବ, ପ୍ରସ୍ଥ ଓ ଚଉଡା ଆଦି ଥାଏ । ଏହି ଗାରଗୁଡିକୁ ବଂଶ କୁହାଯାଏ । ଗାରଗୁଡିକ ଯେଉଁ
ସ୍ଥାନରେ ପରସ୍ପର କାଟିଥାନ୍ତି ତାହାକୁ ମହାମର୍ମସ୍ଥାନ କୁହାଯାଏ । ମହାମର୍ମ ୯ ପ୍ରକାରର ଅଟେ ।
ଯଥା-ଅତିମର୍ମ, ଉପମର୍ମ ଆଦି । କିନ୍ତୁ ଏଠାରେ ମହାମର୍ମ ଉପରେ ଆଲୋଚନା
କରୁଅଛୁ । ଏହି ମହାମର୍ମ ସ୍ଥାନମାନଙ୍କରେ କାନ୍ଥ କିମ୍ବା ସ୍ତମ୍ବ କିମ୍ବା କୈାଣସି ପ୍ରକାରର
ନକରାତ୍ମକ ପଦାର୍ଥ ଉପରେ ନିର୍ମାଣ କରନ୍ତୁୁନାହିଁ । କାରଣ ଏହା କଲେ ସକରାତ୍ମକ ଉର୍ଜାରେ
ବ୍ୟାଘାତ ଆସିଥାଏ ଏବଂ ନାନା ପ୍ରକାରର ବାସ୍ତୁ ଦୋଷ ଉତ୍ପନ୍ନ ହୁଏ । ଯଥା-
କାଠ
ଥିଲେ ଧନର ହାନି ହୋଇଥାଏ, ହାଡ ଥିଲେ ଗୃହପାଳିତ ପଶୁମାନେ କଷ୍ଟ ପାଇଥାନ୍ତି ଓ
ସେମାନଙ୍କୁ ନାନା ପ୍ରକାର ରୋଗ ହୋଇଥାଏ, ଲୁହା ଥିଲେ ଅସ୍ତ୍ର ଭୟ,
ଖପୁରି ଥିଲେ ମୃତ୍ୟୁ ଭୟ, ବାଳ ଥିଲେ ମୃତ୍ୟୁ ଭୟ,
କୋଇଲା ଥିଲେ ଚୋରି ହେବାର ଭୟ, ପାଉଁଶ ଥିଲେ ଅଗ୍ନି
ଭୟ ଆଦି ଦେଖାଦେଇଥାଏ ।
ଯଦି
ଉପରଲିଖିତ ଶଲ୍ୟ ଆଦି ଭୂମି ତଳେ ମହାମର୍ମ ସ୍ଥାନରେ ଥାଏ ତେବେ ଯେଉଁବ୍ୟକ୍ତି ଏହା ଉପରେ ଘର
କରିଥାନ୍ତି ତେବେ ନିମ୍ନ ଶଲ୍ୟ ଦୋଷ ପରିଲିଖିତ ହୁଏ । ପ୍ରଥମେ ଖରାପ ସ୍ୱପ୍ନ ଆସେ, ଦ୍ୱିତୀୟରେ ଧିରେ ଧିରେ ଧନର
ହାନି ହୁଏ, ବେମାରରେ ପଡ଼ନ୍ତି ଏବଂ ମୃତ୍ୟୁର ସମ୍ଭାବନା ଦେଖା ଦେଇଥାଏ
।
‘ବୃହତ୍ସଂହିତା’ ର ଅଧ୍ୟାୟ ୫୨ ଓ ୫୩ ରେ ଏହି ଦୋଷକୁ ବର୍ଣ୍ଣନା କରାଯାଇଛି ।
ଜଣେ ବ୍ୟକ୍ତି ଯଦି ଅଜାଣତରେ
ଏହି ଦୋଷ ଥାଇ ଘର ନିର୍ମାଣ କରିଅଛନ୍ତି ତେବେ ତାହାର ପ୍ରତିକାର ପାଇଁ ‘ମନୁଷ୍ୟାଳୟ ଚନ୍ଦ୍ରିକା’ ର ଅଧ୍ୟାୟ ୨ ରେ ନିମ୍ନଲିଖିତ
ପ୍ରତିକାର କୁହାଯାଇଅଛି । ଯଥା-ହାତୀ ,କଛୁଆ , ସିଙ୍ଘ , ବାରାହ ଓମଇଁଶି ର ମୁଣ୍ଡ ସ୍ୱର୍ଣ୍ଣରେ ତିଆରି କରି
ମର୍ମ ସ୍ଥାନରେ ଭୂମିତଳେ ସ୍ଥାପନ କରନ୍ତୁ । ଏହଦ୍ୱାରା ଭୂମିରେ ସକରାତ୍ମକ ଉର୍ଜା ଖେଳିଯାଇଥାଏ
। ଏହି ବିଷୟ ‘ବିଶ୍ୱକର୍ମା ପ୍ରକାଶ’ ଗ୍ରନ୍ଥରେ
ଦ୍ୱାଦଶ ଅଧ୍ୟାୟରେ ଥିବା ଶଲ୍ୟ ଉଦ୍ଧାର ବିଷୟରେ ବର୍ଣ୍ଣିତ ହୋଇଅଛି ।
Comments
Post a Comment