ଶ୍ରୀ ବିଦ୍ୟା—[5]
ଶ୍ରୀବାଲା-ତ୍ରିପୁର-ସୁନ୍ଦରୀ-ଧ୍ୟାନମ୍
ରକ୍ତାମ୍ବରାଂ
ଚନ୍ଦ୍ରକଲାବତଂସାଂ ସମୁଦ୍ୟଦାଦିତ୍ୟନିଭାଂ ତ୍ରିନେତ୍ରାମ୍ ।
ବିଦ୍ୟାକ୍ଷମାଲାଭୟଦାନହସ୍ତାଂ
ଧ୍ୟାୟାମି ବାଲାମରୁଣାମ୍ବୁଜସ୍ଥାମ୍ ॥
ପାଶାଙ୍କୁଶୌ
ପୁସ୍ତକମକ୍ଷସୂତ୍ରଂ କରୈର୍ଦଧାନା ସକଲାମରାର୍ଚ୍ୟା ।
ରକ୍ତା
ତ୍ରିନେତ୍ରା ଶଶିଶେଖରେୟଂ ଧ୍ୟେୟାଽଖିଲର୍ଦ୍ଧ୍ୟୈ ତ୍ରିପୁରାଽତ୍ର ବାଲା ॥
ମାତୁଲିଙ୍ଗପୟୋଜନ୍ମହସ୍ତାଂ
କନକସନ୍ନିଭାମ୍ ।
ପଦ୍ମାସନଗତାଂ
ବାଲାଂ ଲକ୍ଷ୍ମୀପ୍ରାପ୍ତ୍ୟୈ ବିଚିନ୍ତୟେ ॥
ବରପୀୟୂଷକଲଶପୁସ୍ତକାଭୀତିଧାରିଣୀମ୍
।
ସୁଧାଂ
ସ୍ରବନ୍ତୀଂ ଜ୍ଞାନାପ୍ତ୍ୟୈ ବ୍ରହ୍ମରନ୍ଧ୍ରେ ବିଚିନ୍ତୟେ ॥
ଶୁକ୍ଲାମ୍ବରାଂ
ଶଶାଙ୍କାଭାଂ ରୋଗନାଶେ ଭଜେ ଶିବାମ୍ ।
ସୃଣିପାଶଧରାଂ
ଦେବୀଂ ରତ୍ନାଲଙ୍କାରଭୂଷିତାମ୍ ।
ପ୍ରସନ୍ନାମରୁଣାଂ
ବନ୍ଦେ ବଶୀକରଣସିଦ୍ଧିଦାମ୍ ॥
ବାଗ୍ବୀଜମୂର୍ତିଧ୍ୟାନମ୍
-
ବିଦ୍ୟାକ୍ଷମାଲାଶୁକପାଲମୁଦ୍ରାରାଜତ୍କରାଂ
କୁନ୍ଦସମାନକାନ୍ତିମ୍ ।
ମୁକ୍ତାଫଲାଲଙ୍କୃତିଶୋଭିତାଙ୍ଗୀଂ
ବାଲାଂ ଭଜେ ବାଙ୍ମୟସିଦ୍ଧିହେତୋଃ ॥
କାମବୀଜମୂର୍ତିଧ୍ୟାନମ୍
-
ଭଜେ
କଲ୍ପବୃକ୍ଷାଧ ଉଦ୍ଦୀପ୍ତରତ୍ନାସନେ ସନ୍ନିଷଣ୍ଣାଂ ମଦାଘୂର୍ଣିତାକ୍ଷୀମ୍ ।
କରୈର୍ବୀଜପୂରଂ
କପାଲେଷୁଚାପଂ ସପାଶାଙ୍କୁଶଂ ରକ୍ତବର୍ଣାଂ ଦଧାନାମ୍ ॥
ଶକ୍ତିବୀଜମୂର୍ତିଧ୍ୟାନମ୍
-
ବ୍ୟାଖ୍ୟାନମୁଦ୍ରାମୃତକୁମ୍ଭବିଦ୍ୟାମକ୍ଷସ୍ରଜଂ
ସନ୍ଦଧତୀଂ କରାଗ୍ରୈଃ ।
ଚିଦ୍ରୂପିଣୀଂ
ଶାରଦ ଚନ୍ଦ୍ରକାନ୍ତିଂ ବାଲାଂ ଭଜେ ମୌକ୍ତିକ ଭୂଷିତାଙ୍ଗୀମ୍ ॥
କୈଲାଶ ନାଥ ଅଗ୍ରୱାଲ, ଶ୍ରୀବିଦ୍ୟା ଉପାସକ
Comments
Post a Comment