ଶ୍ରୀ ବିଦ୍ୟା—[୭]

ଶ୍ରୀ ବାଲା-ତ୍ରିପୁର-ସୁନ୍ଦରୀ—

ଏକ ଆଧ୍ୟାତ୍ମିକ ବିଶ୍ଳେଷଣ--

ତ୍ରିପୁରା-ବିଜାକ୍ଷର-ସରଳ-ସାଧନା—

କୌଳାବଳୀ ନିର୍ଣୟ---

ସାଧକ ଶୁକ୍ଳ ବସ୍ତ୍ର ପିନ୍ଧି, ଶ୍ଵେତ ଗନ୍ଧାଦି ରେ ଭୂଷିତ ହୋଇ, ଶୁକ୍ଳ-ପୁଷ୍ପ-ମାଳା ଧାରଣ କରି, ଶ୍ଵେତ ଆସନ ଉପରେ ବସି, ଶୁକ୍ଳ ପୁଷ୍ପ ଓ ଶ୍ଵେତ ରଙ୍ଗର ନୈବେଦ୍ୟ ଦ୍ଵାରା, [ଖିରୀ, ଦୁଗ୍ଧ, ନାନା ପ୍ରକାର ଅନ୍ନ, ଶର୍କରା ଓ ନାନା ପ୍ରକାର ଫଳ] ରେ ଯୁକ୍ତ ହୋଇଥିବ, ‘ବାଗ୍ଭବ ବୀଜ’-‘ଐଂ’ ର ସାଧନା କରନ୍ତୁ। ‘ବାଗିଶ୍ଵରୀ’ ଙ୍କ ଧ୍ୟାନ କରି ସାଧକ ଐଂ’-ବିଜକୁ ଜପ କରନ୍ତୁ। ଧ୍ୟାନ—

‘କର୍ପୁର-ଧବଳାଂ ଶୁଭ୍ର-ପୁଷ୍ପାଭରଣଂ-ଭୂଷିତାମ୍,

ଅତ୍ୟନ୍ତ-ଶୁଭ୍ର-ବସନାଂ, ବଜ୍ର-ମୌକ୍ତିକ-ଭୂଷଣାମ୍

ମୁକ୍ତା-ଫଳଂ-ସମୁଦଭୂତ-ଜପ-ମାଳା-ଲସତ୍-କରାମ୍

ପୁସ୍ତକଂ ବର-ଦାନଂ ଚ, ଦଧତୀମଭୟ-ପ୍ରଦାମ୍’’

ଏହି ପ୍ରକାରରେ ଧ୍ୟାନ କରି ‘ବାଗିଶ୍ଵରୀ’ ଙ୍କୁ ଯଥା-ବିଧି ପୂଜନ କରନ୍ତୁ। ତାପରେ ଏହା ଭାବନା କରନ୍ତୁ ଯେ ବାଗିଶ୍ଵରୀ, ମୂଳାଧାର ଠାରୁ ବ୍ରହ୍ମ-ରନ୍ଧ୍ର-ପର୍ଯ୍ୟନ୍ତ ପୀୟୂଷ ବର୍ଷା କରୁଥିବା ସମୟରେ ଜ୍ୟୋତିର୍ମୟୀ ହୋଇ ଜିହ୍ଵାଗ୍ରରେ ସ୍ଥିତ ଅଟନ୍ତି। ଏହି ଭାବନା କରୁଥିବା ସମୟରେ ସାଧକ ତିନି ଲକ୍ଷ ମନ୍ତ୍ର ଐଂ’ ଜପ କରନ୍ତୁ। ଏହି ସାଧନାରେ ଅତ୍ୟନ୍ତ ମୂର୍ଖ ଓ ଜଡ ବ୍ୟକ୍ତି ମଧ୍ୟ ବୃହସ୍ପତି ସମାନ ବାଗ୍ମୀ ହୋଇଥାଏ।

‘କାମ-ବୀଜ’—କ୍ଲୀଂ’ ର ସାଧନା ନିମିତ ରକ୍ତ-ବସ୍ତ୍ର, ରକ୍ତ-ଅଳଙ୍କାର ଓ ଲାଲ ଚନ୍ଦନ ଦ୍ଵାରା ଭୂଷିତ ହୋଇ ନାନା ପ୍ରକାର ଲାଲ ପୁଷ୍ପ ତଥା ବିବିଧ ପ୍ରକାର ଲାଲ ରଙ୍ଗର ନୈବେଦ୍ୟ ଦ୍ଵାରା ପୂଜା କରନ୍ତୁ। ‘କାମେଶ୍ଵରୀ’ ଙ୍କ ଧ୍ୟାନ କରୁଥିବା ସମୟରେ ‘କାମ-ବୀଜ’- କ୍ଲୀଂ’ ର ଜପ କରନ୍ତୁ।

ଧ୍ୟାନ—‘ମୁଲାଦି-ବ୍ରହ୍ମ-ରନ୍ଧ୍ରାନ୍ତ, ସ୍ଫୁରଦ୍-ଦୀପ୍ତି-ସ୍ବରୂପିଣୀମ୍

ବନ୍ଧୁକ-କୁସୁମାକାର-କାନ୍ତି-ଭୂଷଣ-ଭୂଷିତାମ୍

ଇକ୍ଷୁ-କୋଦଣ୍ଡ-ପୁଷ୍ପେଶୁ, ବରାଭୟ-ଲସତ୍-କରାମ୍

ଊଦ୍-ଦୀପ୍ତ-କାନ୍ତି-ସିନ୍ଦୁର-ଭାଲ-ତ୍ରିନଯନାନ୍ଵିତାମ୍’’।

ପୁରଶ୍ଚରଣ ସଂଖ୍ୟା-ତିନି ଲକ୍ଷ। ଏହି ସାଧନା ଫଳ ସ୍ୱରୂପ ତ୍ରୈଲୋକ୍ୟ ବଶୀଭୂତ ହୋଇଥାଏ।

ଶକ୍ତି ବୀଜ—‘ସୌଃ’

ଏହି ବୀଜ ମନ୍ତ୍ରର ସାଧନା ସ୍ଵ-ଶରୀରରେ ମୂଳାଧାର ଠାରୁ ବ୍ରହ୍ମ-ରନ୍ଧ୍ର ପର୍ଯ୍ୟନ୍ତ ବ୍ୟାପ୍ତ ‘ଶକ୍ତିଶ୍ଵରୀ’ ଙ୍କ ଧ୍ୟାନ ନିମ୍ନ ପ୍ରକାର କରାଯାଏ—

‘’ସ୍ତ୍ରବତ୍-ପୀୟୂଷ-ଧାରାଭିବର୍ଷନ୍ତିଂ ବିଷ-ହାରିଣୀମ୍

ହେମ-ପ୍ରଭା-ଭାସମାନାଂ, ବିଦ୍ଦ୍ୟୁଲ୍ଲାତା-ସମ-ପ୍ରଭାମ୍

ସ୍ଫୁରଚ୍ଚନ୍ଦ୍ର-କଳା-ପୂର୍ଣ-କପାଲଂ ବରଦାଭୟେ

ଜ୍ଞାନ-ମୁଦ୍ରା ଚ ଦଧତିଂ, ସାକ୍ଷାଦମୃତ-ରୂପିଣୀମ୍’’।

ପୁରଶ୍ଚରଣ- ତିନି ଲକ୍ଷ

ଏହି ଜପ ଫଳରେ ସମସ୍ତ ବିଗ୍ନ ଦୂର ହୋଇଥାଏ। ଯେଉଁ ସାଧକ ଉକ୍ତ ତ୍ରି-କୁଟ-ମାୟୀ ଭଗବତୀ ତ୍ରିପୁରାଙ୍କ ‘ନାଭି-ମଣ୍ଡଲ-ହୃତ-ପଦ୍ମ-ମୁଖ-ମଣ୍ଡଳ-ମଧ୍ୟଗା ପଦ୍ମ-ରାଗ-ମଣି-ସ୍ଵଛା’ ପରିପୂର୍ଣା ରୂପରେ ଧ୍ୟାନ କରୁଥିବା ସମୟରେ ସାଧନାରେ ତତ୍ପର ହୁଏ, ସିଏ ଆଠ ଗୁଣ ଐଶ୍ଵର୍ଯ୍ୟ ପ୍ରାପ୍ତ କରିଥାଏ। ‘ମାତୃ-ଚକ୍ର’ ତାହାର ଶରୀରରେ ରୁହେ ଯାହାର ପ୍ରତାପରେ ସିଏ ପୁତ୍ରବାନ, ଧନବାନ, ଧୀର ହୋଇ ସୁଖୀ ହୋଇଥାଏ।

ପୂର୍ଣ-ବିଦ୍ୟା ଅର୍ଥାତ ପୂର୍ଣ ମନ୍ତ୍ର-ଐଂ କ୍ଲୀଂ ସୌଃ’ ଜପ ଦ୍ଵାରା ସମସ୍ତ ପ୍ରାଣୀ ବଶୀଭୂତ ହୁଅନ୍ତି। ଐଂ-ବାକ୍-ପତିତ୍ଵ, କ୍ଲୀଂ’—କାମଦେବ-ସମାନ, ସୌଃ—‘ଶିବତ୍ଵ’ ଆଦି ପ୍ରାପ୍ତ ହୋଇଥାଏ। ଏହି କୁଟ ତ୍ରୟ ଦ୍ଵାରା ସର୍ବ-ସିଦ୍ଧି ହୋଇଥାଏ।  

କୈଲାଶ ନାଥ ଅଗ୍ରୱାଲ, ଶ୍ରୀବିଦ୍ୟା ଉପାସକ