ଶ୍ରୀବିଦ୍ୟା—[9]
ଶ୍ରୀବାଲା-ତ୍ରିପୁର-ସୁନ୍ଦରୀ--
ଶ୍ରୀବାଲା-କର୍ପୂର-ସ୍ତୋତ୍ରମ୍
କର୍ପୂରାଭେନ୍ଦୁଗୌରାଂ
ଶଶିସକଲଧରାଂ ରକ୍ତପଦ୍ମାସନସ୍ଥାଂ
ବିଦ୍ୟାପାତ୍ରାକ୍ଷମୁଦ୍ରାଧୃତକରକମଲାଂ
ତ୍ୱାଂ ସ୍ମରନ୍ସନ୍ ତ୍ରିଲକ୍ଷମ୍ ।
ଜପ୍ତ୍ୱା
ଚନ୍ଦ୍ରାର୍ଧଭୂଷଂ ସୁରୁଚିରମଧରଂ ବୀଜମାଦ୍ୟଂ ତବେଦଂ
ହୁତ୍ୱା
ପଞ୍ଚାତ୍ପଲାଶୈଃ ସ ଭବତି କବିରାଡ୍ ଦେବି ବାଲେ ମହେଶି ॥ ୧॥
ହସ୍ତାବ୍ଜୈଃ
ପାତ୍ରପାଶାଙ୍କୁଶକୁସୁମଧନୁର୍ବୀଜପୂରାଂ ଦଧାନାଂ
ରକ୍ତାଂ
ତ୍ୱାଂ ସଂସ୍ମରନ୍ସନ୍ ପ୍ରଜପତି ମନୁଜୋ ଯସ୍ତ୍ରିଲକ୍ଷଂ ଭବାନି ।
ବାମାକ୍ଷୀ
ଚନ୍ଦ୍ରସଂସ୍ଥଂ କ୍ଷିତିସହିତବିଧିଂ କାମବୀଜଂ ତବେଦଂ
ଚନ୍ଦ୍ରୈର୍ହୁତ୍ୱା
ଦଶାଂଶଂ ସ ନୟତି ସକଲାନ୍ ବଶ୍ୟତାଂ ସର୍ୱଦୈବ ॥ ୨॥
ବିଦ୍ୟାକ୍ଷଜ୍ଞାନମୁଦ୍ରାଽମୃତକଲଶଧରାଂ
ତ୍ୱାଂ ମନୋଜ୍ଞାଂ କିଶୋରୀଂ
ସ୍ମେରାଂ
ଧ୍ୟାୟଂସ୍ତ୍ରିନେତ୍ରାଂ ଶଶଧରଧବଲାଂ ଯୋ ଜପେଦ୍ୱୈ ତ୍ରିଲକ୍ଷମ୍ ।
ଜୀବଂ
ସଙ୍କର୍ଷଣାଢ୍ୟଂ ତବ ସୁରନମିତେ ସର୍ଗୟୁକ୍ତଂ ସୁବୀଜଂ
ହୁତ୍ୱାଽନ୍ତେ
ମାଲତୀଭିର୍ଭବତି ସ ଲଲିତେ ଶ୍ରୀୟୁତୋ ଭୋଗବାଂଶ୍ଚ ॥ ୩॥
ଧ୍ୟାୟଂସ୍ତ୍ୱାଂ
ପୁସ୍ତକ୍ଲାକ୍ଷାଭୟବରଦକରାଂ ଲୋହିତାଭାଂ କୁମାରୀଂ
କଶ୍ଚିଦ୍ୟଃ
ସାଧକେନ୍ଦ୍ରୋ ଜପତି କୁଲବିଧୌ ପ୍ରତ୍ୟହଂ ଷଟ୍ସହସ୍ରମ୍ ।
ମାତର୍ୱାଙ୍ମାରଶକ୍ତିପ୍ରୟୁତମନୁମିମଂ
ତ୍ର୍ୟକ୍ଷରଂ ତ୍ରୈପୁରଂ ତେ
ଭୁକ୍ତ୍ୱା
ଭୋଗାନନେକାନ୍ ଜନନି ସ ଲଭତେଽବଶ୍ୟମେବାଷ୍ଟସିଦ୍ଧୀଃ ॥ ୪॥
ଆରକ୍ତାଂ
କାନ୍ତଦୋର୍ଭ୍ୟାଂ ମଣିଚଷକମଥୋ ରତ୍ନପଦ୍ମଂ ଦଧାନାଂ
ବାଙ୍ମାୟାଶ୍ରୀୟୁତାନ୍ୟଂ
ମନୁମୟି ଲଲିତେ ତତ୍ତ୍ୱଲକ୍ଷଂ ଜପେଦ୍ୟଃ ।
ଧ୍ୟାୟନ୍
ରୂପଂ ତ୍ୱଦୀୟଂ ତଦନୁ ଚ ହବନଂ ପାୟସାନ୍ନୈଃ ପ୍ରକୁର୍ୟାଦ୍-
ଯୋଗୀଶସ୍ତତ୍ତ୍ୱବେତ୍ତା
ପରଶିବମହିଲେ ଭୂତଲେ ଜାୟତେ ସଃ ॥ ୫॥
ବାଣୀ
ଚେଟୀ ରମା ବାଗ୍ଭବମଥ ମଦନଃ ଶକ୍ତିବୀଜଂ ଚ ଷଡ୍ଭିଃ
ଏତୈଶ୍ଚନ୍ଦ୍ରାର୍ଧଚୂଡେ
ଭବତି ତବ ମହାମନ୍ତ୍ରରାଜଃ ଷଡର୍ଣଃ ।
ଜପ୍ତ୍ୱୈନଂ
ସାଧକୋ ଯଃ ସ୍ମରହରଦୟିତେ ଭକ୍ତିତସ୍ତ୍ୱାମୁପାସ୍ତେ
ବିଦ୍ୟୈଶ୍ୱର୍ୟାଣି
ଭୁକ୍ତ୍ୱା ତଦନୁ ସ ଲଭତେ ଦିବ୍ୟସାୟୁଜ୍ୟମୁକ୍ତିମ୍ ॥ ୬॥
ମହାବିନ୍ଦୁଃ
ଶୁଦ୍ଧୋ ଜନନି ନବୟୋନ୍ୟନ୍ତରଗତୋ
ଭବେଦେତଦ୍ବାହ୍ୟେ
ବସୁଛଦନପଦ୍ମଂ ସୁରୁଚିରମ୍ ।
ତତୋ
ବେଦଦ୍ୱାରଂ ଭବତି ତବ ଯନ୍ତ୍ରଂ ଗିରିସୁତେ
ତଦସ୍ମିନ୍
ତ୍ୱାଂ ଧ୍ୟାୟେତ୍ କହରିହରରୁଦ୍ରେଶ୍ୱରପଦାମ୍ ॥ ୭॥
ନବୀନାଦିତ୍ୟାଭାଂ
ତ୍ରିନୟନୟୁତାଂ ସ୍ମେରବଦନାଂ
ମହାକ୍ଷସ୍ରଗ୍ୱିଦ୍ୟାଽଭୟବରକରାଂ
ରକ୍ତବସନାମ୍ ।
କିଶୋରୀଂ
ତ୍ୱାଂ ଧ୍ୟାୟନ୍ନିଜହୃଦୟପଦ୍ମେ ପରଶିବେ
ଜପେନ୍ମୋକ୍ଷାପ୍ତ୍ୟର୍ଥଂ
ତଦନୁ ଜୁହୁୟାତ୍ କିଂଶୁକସୁମୈଃ ॥ ୮॥
ହୃଦମ୍ଭୋଜେ
ଧ୍ୟାୟନ୍ କନକସଦୃଶାମିନ୍ଦୁମୁକୁଟାଂ
ତ୍ରିନେତ୍ରାଂ
ସ୍ମେରାସ୍ୟାଂ କମଲମଧୁଲୁଙ୍ଗାଙ୍କିତକରାମ୍ ।
ଜପେଦ୍ଦିଗ୍ଲକ୍ଷଂ
ଯସ୍ତବ ମନୁମୟୋ ଦେବି ଜୁହୁୟାତ୍
ସୁପକ୍ୱୈର୍ମାଲୂରୈରତୁଲଧନବାନ୍
ସ ପ୍ରଭବତି ॥ ୯॥
ସ୍ମରେଦ୍ଧସ୍ତୈର୍ୱେଦାଭୟବରସୁଧାକୁମ୍ଭଧରିଣୀଂ
ସ୍ରବନ୍ତୀଂ
ପୀୟୂଷଂ ଧବଲବସନାମିନ୍ଦୁଶକଲାମ୍ ।
ସୁବିଦ୍ୟାପ୍ତ୍ୟୈ
ମନ୍ତ୍ରଂ ତବ ହରନୁତେ ଲକ୍ଷନବକଂ
ଜପେତ୍ତ୍ୱାଂ
କର୍ପୂରୈରଗରୁ ସହିତୈରେବ ଜୁହୁୟାତ୍ ॥ ୧୦॥
ସହସ୍ରାରେ
ଧ୍ୟାୟନ୍ ଶଶଧରନିଭାଂ ଶୁଭ୍ରବସନାଂ
ଅକାରାଦିକ୍ଷାନ୍ତାବୟବୟୁତରୂପାଂ
ଶଶିଧରାମ୍ ।
ଜପେଦ୍ଭକ୍ତ୍ୟା
ମନ୍ତ୍ରଂ ତବ ରସସହସ୍ରଂ ପ୍ରତିଦିନଂ
ତଥାରୋଗ୍ୟାପ୍ତ୍ୟର୍ଥଂ
ଭଗବତି ଗୁଡୂଚ୍ୟୈଃ ପ୍ରଜୁହୁୟାତ୍ ॥ ୧୧॥
କୁଲଜ୍ଞଃ
କଶ୍ଚିଦ୍ୟୋ ଯଜତି କୁଲପୁଷ୍ପୈଃ କୁଲବିଧୌ
କୁଲାଗାରେ
ଧ୍ୟାୟନ୍ କୁଲଜନନି ତେ ମନ୍ମଥକଲାମ୍ ।
ଷଡର୍ଣଂ
ପୂର୍ୱୋକ୍ତଂ ଜପତି କୁଲମନ୍ତ୍ରଂ ତବ ଶିବେ
ସ
ଜୀବନ୍ମୁକ୍ତଃ ସ୍ୟାଦକୁଲକୁଲପଙ୍କେରୁହଗତେ ॥ ୧୨॥
ଶିବେ
ମଦ୍ୟୈର୍ମାଂସେଶ୍ଚଣକବଟକୈର୍ମୀନସହିତୈଃ
ପ୍ରକୁର୍ୱଂଶ୍ଚକ୍ରାର୍ଚାଂ
ସୁକୁଲଭଗଲିଙ୍ଗାମୃତରସୈଃ ।
ବଲିଂ
ଶଙ୍କାମୋହାଦିକପଶୁଗଣାନ୍ୟୋ ବିଦଧତି
ତ୍ରିକାଲଜ୍ଞୋ
ଜ୍ଞାନୀ ସ ଭବତି ମହାଭୈରବସମଃ ॥ ୧୩॥
ମନୋବାଚାଗମ୍ୟାମକୁଲକୁଲଗମ୍ୟାଂ
ପରଶିବାଂ
ସ୍ତବୀମି
ତ୍ୱାଂ ମାତଃ କଥମହମହୋ ଦେବି ଜଡଧୀଃ ।
ତଥାପି
ତ୍ୱଦ୍ଭକ୍ତିର୍ମୁଖରୟତି ମାଂ ତଦ୍ୱିରଚିତଂ
ସ୍ତବଂ
କ୍ଷନ୍ତବ୍ୟଂ ମେ ତ୍ରିପୁରଲଲିତେ ଦୋଷମଧୁନା ॥ ୧୪॥
ଅନୁଷ୍ଠାନଧ୍ୟାନାର୍ଚାମନୁ
ସମୁଦ୍ଧାରଣୟୁତଂ
ଶିବେ
ତେ କର୍ପୂରସ୍ତବମିତି ପଠେଦର୍ଚନପରଃ ।
ସ
ଯୋଗୀ ଭୋଗୀ ସ୍ୟାତ୍ ସ ହି ନିଖିଲଶାସ୍ତ୍ରେଷୁ ନିପୁଣଃ
ଯମୋଽନ୍ୟୋ
ବୈରୀଣାଂ ବିଲସତି ସଦା କଲ୍ପତରୁବତ୍ ॥ ୧୫॥
ବାଲାଂ
ବାଲଦିବାକରଦ୍ୟୁତିନିଭାଂ ପଦ୍ମାସନେ ସଂସ୍ଥିତାଂ
ପଞ୍ଚପ୍ରେତମୟାମ୍ବୁଜାସନଗତାଂ
ବାଗ୍ୱାଦିନୀରୂପିଣୀମ୍ ।
ଚନ୍ଦ୍ରାର୍କାନଲଭୂଷିତତ୍ରିନୟନାଂ
ଚନ୍ଦ୍ରାବତଂସାନ୍ୱିତାଂ
ବିଦ୍ୟାକ୍ଷାଭୟଧାରିଣୀଂ
ବରକରାଂ ବନ୍ଦେ ପରାମମ୍ବିକାମ୍ ॥ ୧୬॥
ଇତି
ଶ୍ରୀପରାତନ୍ତ୍ରାନ୍ତର୍ଗତଂ ଶ୍ରୀବାଲାକର୍ପୂରସ୍ତୋତ୍ରଂ ସମ୍ପୂର୍ଣମ୍ ।
Please like/comment the post
କୈଲାଶ ନାଥ ଅଗ୍ରୱାଲ, ଶ୍ରୀବିଦ୍ୟା ଉପାସକ
Comments
Post a Comment