ଶ୍ରୀ ବିଦ୍ୟା—[36]-27-6-2021

ଶ୍ରୀବାଲା-କବଚମ୍ ୧

ବାଗ୍ଭବଃ ପାତୁ ଶିରସି କାମରାଜଃ ସଦା ହୃଦି ।

ଶକ୍ତିବୀଜଂ ସଦା ପାତୁ ନାଭୌ ଗୁହ୍ୟେ ଚ ପାଦୟୋଃ ॥ ୧॥

ଐଂ କ୍ଲୀଂ ସୀଃ ବଦନେ ପାତୁ ବାଲା ସର୍ୱାର୍ଥସିଦ୍ଧୟେ ।

ଜିହ୍ୱାଂ ପାତୁ ମହାହଂସୀ ସ୍କନ୍ଧଦେଶେ ତୁ ଭୈରବୀ ॥ ୨॥

ସୁନ୍ଦରୀ ନାଭିଦେଶଂ ତୁ ଶିରସି କମଲା ସଦା ।

ଭ୍ରୁବୌ ନାସାଦ୍ୱୟଂ ପାତୁ ମହାତ୍ରିପୁରସୁନ୍ଦରୀ ॥ ୩॥

ଲଲାଟେ ସୁଭଗା ପାତୁ କଣ୍ଠଦେଶେ ତୁ ମାଲିନୀ ।

ବାଗ୍ଭବଂ ପାତୁ ହୃଦୟେ ଉଦରେ ଭଗସର୍ପିଣୀ ॥ ୪॥

ଭଗମାଲିନୀ ନାଭିଦେଶେ ଲିଙ୍ଗେ ପାତୁ ମନୋଭବା ।

ଗୁହ୍ୟେ ପାତୁ ମହାଦେବୀ ରାଜରାଜେଶ୍ୱରୀ ଶିବା ॥ ୫॥

ଚୈତନ୍ୟରୂପିଣୀ ପାତୁ ପାଦୟୋର୍ଜଗଦମ୍ବିକା ।

ନାରାୟଣୀ ସର୍ୱଗାତ୍ରେ ସର୍ୱକାଲେ ଶିବଙ୍କରୀ ॥ ୬॥

ବ୍ରହ୍ମାଣୀ ପାତୁ ମାଂ ପୂର୍ୱେ ଦକ୍ଷିଣେ ପାତୁ ବୈଷ୍ଣବୀ ।

ପଶ୍ଚିମେ ପାତୁ ବାରାହୀ ଉତ୍ତରେ ତୁ ମହେଶ୍ୱରୀ ॥ ୭॥

ଆଗ୍ନେୟ୍ୟାଂ ପାତୁ କୌମାରୀ ମହାଲକ୍ଷ୍ମୀସ୍ତୁ ନୈରୃତେ ।

ବାୟବ୍ୟାଂ ପାତୁ ଚାମୁଣ୍ଡା ଇନ୍ଦ୍ରାଣୀ ପାତୁ ଈଶକେ ॥ ୮॥

ଆକାଶେ ଚ ମହାମାୟା ପୃଥିବ୍ୟାଂ ସର୍ୱମଙ୍ଗଲା ।

ଆତ୍ମାନଂ ପାତୁ ବରଦା ସର୍ୱାଙ୍ଗେ ଭୁବନେଶ୍ୱରୀ ॥ ୯॥

ଇତି ସିଦ୍ଧୟାମଲାନ୍ତର୍ଗତଂ ଶ୍ରୀବାଲାକବଚଂ ସମ୍ପୂର୍ଣମ୍ ।

କୈଲାଶ ନାଥ ଅଗ୍ରୱାଲ,

ଶ୍ରୀ ବିଦ୍ୟା ଉପାସକ

Continue….