ଶ୍ରୀ ବିଦ୍ୟା—[37]-29-6-2021

ଶ୍ରୀବାଲା ଦୁଃସ୍ୱପ୍ନ-ନାଶକ-କବଚମ୍  

ବାଲାର୍କମଣ୍ଡଲାଭାସାଂ ଚତୁର୍ବାହୁଂ ତ୍ରିଲୋଚନାମ୍ ।

ପାଶାଙ୍କୁଶବରାଭୀତୀର୍ଧାରୟନ୍ତୀଂ ଶିବାଂ ଭଜେ ॥ ୧॥

ପୁର୍ୱସ୍ୟାଂ ଭୈରବୀ ପାତୁ ବାଲା ମାଂ ପାତୁ ଦକ୍ଷିଣେ ।

ମାଲିନୀ ପଶ୍ଚିମେ ପାତୁ ବାସିନୀ ଚୋତ୍ତରେଽବତୁ ॥ ୨॥

ଊର୍ଧ୍ୱଂ ପାତୁ ମହାଦେବୀ ଶ୍ରୀବାଲା ତ୍ରିପୁରେଶ୍ୱରୀ ।

ଅଧସ୍ତାତ୍ ପାତୁ ଦେବେଶୀ ପାତାଲତଲବାସିନୀ ॥ ୩॥

ଆଧାରେ ବାଗ୍ଭବଃ ପାତୁ କାମରାଜସ୍ତଥା ହୃଦି ।

ମହାବିଦ୍ୟା ଭଗବତୀ ପାତୁ ମାଂ ପରମେଶ୍ୱରୀ ॥ ୪॥

ଐଂ ଲଂ ଲଲାଟେ ମାଂ ପାୟାତ୍ ହ୍ରୌଂ ହ୍ରୀଂ ହଂସଶ୍ଚ ନେତ୍ରୟୋଃ ।

ନାସିକାକର୍ଣୟୋଃ ପାତୁ ହ୍ରୀଂ ହ୍ରୈଂ ତୁ ଚିବୁକେ ତଥା ॥ ୫॥

ସୌଃ ପାତୁ ମେ ହୃଦି ଗଲେ ହ୍ରୀଂ ହ୍ରଃ ନାଭିଦେଶକେ ।

ସୌଃ କ୍ଲୀଂ ଶ୍ରୀଂ ଗୁହ୍ୟଦେଶେ ତୁ ଐଂ ହ୍ରୀଂ ପାତୁ ଚ ପାଦୟୋଃ ॥ ୬॥

ହ୍ରୀଂ କ୍ଲୀଂ ମାଂ ସର୍ୱତଃ ପାତୁ ସୌଃ ପାୟାତ୍ ପଦସନ୍ଧିଷୁ ।

ଜଲେ ସ୍ଥଲେ ତଥା କୋଶେ ଦେବରାଜଗୃହେ ତଥା ॥ ୭॥

କ୍ଷେଂ କ୍ଷେଂ ମାଂ ତ୍ୱରିତା ପାତୁ ମାଂ ଚକ୍ରୀ ସୌଃ ମନୋଭବା ।

ହଂସୌଃ ପାୟାନ୍ମହାଦେବୀ ପରଂ ନିଷ୍କଲଦେବତା ॥ ୮॥

ବିଜୟା ମଙ୍ଗଲା ଦୂତୀ କଲ୍ପା ମାଂ ଭଗମାଲିନୀ ।

ଜ୍ୱାଲାମାଲିନୀ ନିତ୍ୟା ସର୍ୱଦା ପାତୁ ମାଂ ଶିବା ॥ ୯॥

ଇତୀଦଂ କବଚଂ ଦେବି ଦେବାନାମପି ଦୁର୍ଲଭମ୍ ।

ତବ ପ୍ରୀତ୍ୟା ସମାଖ୍ୟାତଂ ଗୋପନୀୟଂ ପ୍ରୟତ୍ନତଃ ॥ ୧୦॥

ଇଦଂ ରହସ୍ୟଂ ପରମଂ ଗୁହ୍ୟାଦ୍ଗୁହ୍ୟତରଂ ପ୍ରିୟେ ।

ଧନ୍ୟଂ ପ୍ରଶସ୍ୟମାୟୁଷ୍ୟଂ ଭୋଗମୋକ୍ଷପ୍ରଦଂ ଶିବମ୍ ॥ ୧୧॥

ଇତି ଶ୍ରୀବାଲା ଦୁଃସ୍ୱପ୍ନନାଶକକବଚଂ (୪) ସମ୍ପୂର୍ଣମ୍ ।

କୈଲାଶ ନାଥ ଅଗ୍ରୱାଲ,

ଶ୍ରୀ ବିଦ୍ୟା ଉପାସକ

Continue….