ନବ-ଦୁର୍ଗା ସ୍ତୁତିଃ-
[ଧ୍ୟାନ, କବଚ ଓ ସ୍ତୋତ୍ର ସହିତ]
ଗତାଙ୍କରୁ ଆଗେ--
୫. ସ୍କନ୍ଦମାତା (ବିଶୁଦ୍ଧଚକ୍ର)
ସିଂହାସନଗତା ନିତ୍ୟଂ ପଦ୍ମାଶ୍ରିତକରଦ୍ୱୟା ।
ଶୁଭଦାସ୍ତୁ ସଦା ଦେବୀ ସ୍କନ୍ଦମାତା ଯଶସ୍ୱିନୀ ॥
ଧ୍ୟାନମ୍ -
ବନ୍ଦେ ବାଞ୍ଛିତକାମାର୍ଥେ ଚନ୍ଦ୍ରାର୍ଧକୃତଶେଖରାମ୍ ।
ସିଂହାରୂଢା ଚତୁର୍ଭୁଜା ସ୍କନ୍ଧମାତା ଯଶସ୍ୱନୀ ॥
ଧବଲବର୍ଣା ବିଶୁଦ୍ଧଚକ୍ରସ୍ଥିତା ପଞ୍ଚମଦୁର୍ଗା ତ୍ରିନେତ୍ରା ।
ଅଭୟପଦ୍ମୟୁଗ୍ମକରାଂ ଦକ୍ଷିଣ ଊରୁପୁତ୍ରଧରାଂ ଭଜେଽମ୍ ॥
ପଟାମ୍ବରପରିଧାନା ମୃଦୁହାସ୍ୟା ନାନାଲଙ୍କାରଭୂଷିତାମ୍ ।
ମଞ୍ଜୀରହାରକେୟୂରକିଙ୍କିଣୀରତ୍ନକୁଣ୍ଡଲଧାରିଣୀମ୍ ॥
ପ୍ରଭୁଲ୍ଲବଦନାଂ ପଲ୍ଲବାଧରାଂ କାନ୍ତକପୋଲାଂ ପୀନପୟୋଧରାମ୍ ।
କମନୀୟାଂ ଲାବଣ୍ୟାଂ ଚାରୂତ୍ରିବଲୀଂ ନିତମ୍ବନୀମ୍ ॥
ସ୍ତୋତ୍ରମ୍ -
ନମାମି ସ୍କନ୍ଦମାତରଂ ସ୍କନ୍ଧଧାରିଣୀମ୍ ।
ସମଗ୍ରତତ୍ତ୍ୱସାଗରାମପାରପାରଗହରାମ୍ ॥
ଶଶିପ୍ରଭାଂ ସମୁଜ୍ଜ୍ୱଲାଂ ସ୍ଫୁରଚ୍ଛଶାଙ୍କଶେଖରାମ୍ ।
ଲଲାଟରତ୍ନଭାସ୍କରାଂ ଜଗତ୍ପ୍ରଦୀପ୍ତଭାସ୍କରାମ୍ ॥
ମହେନ୍ଦ୍ରକଶ୍ୟପାର୍ଚିତାଂ ସନତ୍କୁମାରସଂସ୍ତୁତାମ୍ ।
ସୁରାସୁରେନ୍ଦ୍ରବନ୍ଦିତାଂ ଯଥାର୍ଥନିର୍ମଲାଦ୍ଭୁତାମ୍ ॥
ଅତର୍କ୍ୟରୋଚିରୂବିଜାଂ ବିକାର ଦୋଷବର୍ଜିତାମ୍ ।
ମୁମୁକ୍ଷୁଭିର୍ୱିଚିନ୍ତିତାଂ ବିଶେଷତତ୍ତ୍ୱମୂଚିତାମ୍ ॥
ନାନାଲଙ୍କାରଭୂଷିତାଂ ମୃଗେନ୍ଦ୍ରବାହନାଗ୍ରତାମ୍ ।
ସୁଶୁଦ୍ଧତତ୍ତ୍ୱତୋଷଣାଂ ତ୍ରିବେଦମାରଭାଷଣାମ୍ ॥
ସୁଧାର୍ମିକୌପକାରିଣୀଂ ସୁରେନ୍ଦ୍ରବୈରିଘାତିନୀମ୍ ।
ଶୁଭାଂ ସୁପୁଷ୍ପମାଲିନୀଂ ସୁବର୍ଣକଲ୍ପଶାଖିନୀମ୍ ॥
ତମୋଽନ୍ଧକାରୟାମିନୀଂ ଶିବସ୍ୱଭାବକାମିନୀମ୍ ।
ସହସ୍ରସୂର୍ୟରାଜିକାଂ ଧନଞ୍ଜୟୋଗ୍ରକାରିକାମ୍ ॥
ସୁଶୁଦ୍ଧକାଲକନ୍ଦଲାଂ ସୁଭୃଙ୍ଗକୃନ୍ଦମଞ୍ଜୁଲାମ୍ ।
ପ୍ରଜାୟିନୀଂ ପ୍ରଜାବତୀଂ ନମାମି ମାତରଂ ସତୀମ୍ ॥
ସ୍ୱକର୍ମଧାରଣେ ଗତିଂ ହରିଂ ପ୍ରୟଚ୍ଛ ପାର୍ୱତୀମ୍ ।
ଅନନ୍ତଶକ୍ତିକାନ୍ତିଦାଂ ଯଶୋଽଥ ଭୁକ୍ତିମୁକ୍ତିଦାମ୍ ॥
ପୁନଃପୁନର୍ଜଗଦ୍ଧିତାଂ ନମାମ୍ୟହଂ ସୁରାର୍ଚିତାମ୍ ।
ଜୟେଶ୍ୱରି ତ୍ରିଲାଚନେ ପ୍ରସୀଦ ଦେବି ପାହି ମାମ୍ ॥
କବଚମ୍ -
ଐଂ ବୀଜାଲିକା ଦେବୀ ପଦୟୁଗ୍ମଧରା ପରା ।
ହୃଦୟଂ ପାତୁ ସା ଦେବୀ କାର୍ତିକେୟଯୁତା ସତୀ ॥
ଶ୍ରୀଂ ହ୍ରୀଂ ହୁଂ ଐଂ ଦେବୀ ପୂର୍ୱସ୍ୟାଂ ପାତୁ ସର୍ୱଦା ।
ସର୍ୱାଙ୍ଗ ମେଂ ସଦା ପାତୁ ସ୍କନ୍ଦମାତା ପୁତ୍ରପ୍ରଦା ॥
ବାଣବାଣାମୃତେ ହୁଂ ଫଟ୍ ବୀଜସସମନ୍ୱିତା ।
ଉତ୍ତରସ୍ୟାଂ ତଥାଗ୍ନେ ଚ ବାରୂଣେ ନୈୠତେଽବତୁ ॥
ଇନ୍ଦ୍ରାଣୀ ଭୈରବୀ ଚୈବାସିତାଙ୍ଗୀ ଚ ସଂହାରିଣୀ ।
ସର୍ୱଦା ପାତୁ ମାଂ ଦେବୀ ଚାନ୍ୟାନ୍ୟାସୁ ହି ଦିକ୍ଷୁ ବୈ ॥
କୈଲାଶ ନାଥ ଅଗ୍ରୱାଲ, ଶ୍ରୀବିଦ୍ୟା ଉପାସକ
Continue……
Comments
Post a Comment