ଶ୍ରୀବିଦ୍ୟା-[38]-29-6-2021

ଶ୍ରୀବାଲା-ତ୍ରୈଲୋକ୍ୟ-ବିଜୟ-କବଚମ୍

ଶ୍ରୀଭୈରବ ଉବାଚ-

ଅଧୁନା ତେ ପ୍ରବକ୍ଷ୍ୟାମି କବଚଂ ମନ୍ତ୍ରବିଗ୍ରହମ୍ ।

ତ୍ରୈଲୋକ୍ୟବିଜୟଂ ନାମ ରହସ୍ୟଂ ଦେବଦ୍ରୁଲଭମ୍ ॥ ୧॥

ଶ୍ରୀଦେବ୍ୟୁବାଚ-

ଯା ଦେବୀ ତ୍ର୍ୟକ୍ଷରୀ ବାଲା ଚିତ୍କଲା ଶ୍ରୀସରସ୍ୱତୀ ।

ମହାବିଦ୍ୟେଶ୍ୱରୀ ନିତ୍ୟା ମହାତ୍ରିପୁରସୁନ୍ଦରୀ ॥ ୨॥

ତସ୍ୟାଃ କବଚମୀଶାନ ମନ୍ତ୍ରଗର୍ଭଂ ପରାତ୍ମକମ୍ ।

ତ୍ରୈଲୋକ୍ୟବିଜୟଂ ନାମ ଶ୍ରୋତୁମିଚ୍ଛାମି ତତ୍ତ୍ୱତଃ ॥ ୩॥

ଶ୍ରୀଭୈରବ ଉବାଚ-

ଦେବଦେବି ମହାଦେବି ବାଲାକବଚମୁତ୍ତମମ୍ ।

ମନ୍ତ୍ରଗର୍ଭଂ ପରଂ ତତ୍ତ୍ୱଂ ଲକ୍ଷ୍ମୀସଂବର୍ଧନଂ ମହତ୍ (ପରମ୍) ॥ ୪॥

ସର୍ୱସ୍ୱଂ ମେ ରହସ୍ୟଂ ତୁ ଗୁହ୍ୟଂ ତ୍ରିଦଶଗୋପିତମ୍ ।

ପ୍ରବକ୍ଷ୍ୟାମି ତବ ସ୍ନେହାନ୍ନାଖ୍ୟେୟଂ ଯସ୍ୟ କସ୍ୟଚିତ୍ ॥ ୫॥

(ଯଦ୍ଧୃତ୍ୱା କବଚଂ ଦେବ୍ୟା ମାତୃକାକ୍ଷରମଣ୍ଡିତମ୍ ।

ନାରାୟଣୋଽପି ଦୈତ୍ୟେନ୍ଦ୍ରାନ୍ ଜଘାନ ରଣମଣ୍ଡଲେ ॥ ୬॥

ତ୍ର୍ୟମ୍ବକଃ କାମଦେବଂ ଚ ବଲଂ ଶକ୍ରୋ ଜଘାନ ହି ।

କୁମାରସ୍ତାରକଂ ଦୈତ୍ୟମନ୍ଧକଂ ଚନ୍ଦ୍ରଶେଖରଃ ॥ ୭॥

ଅବଧୀଦ୍ରାବଣଂ ରାମୋ ବାତାପିଂ କୁମ୍ଭସମ୍ଭବଃ ।

କବଚସ୍ୟାସ୍ୟ ଦେବେଶି ଧାରଣାତ୍ପଠନାଦପି ॥ ୮॥

ସ୍ରଷ୍ଟା ପ୍ରଜାପତିର୍ବ୍ରହ୍ମା ବିଷ୍ଣୁସ୍ତ୍ରୈଲୋକ୍ୟପାଲକଃ ।

ଶିବୋଽଣିମାଦିସିଦ୍ଧୀଶୋ ମଘବାନ୍ ଦେବନାୟକଃ ॥ ୯॥

ସୂର୍ୟସ୍ତେଜୋନିଧିର୍ଦେବି ଚନ୍ଦ୍ରସ୍ତାରାଧିପଃ ସ୍ଥିତଃ ।

ବହ୍ନିର୍ମହୋର୍ମିନିଲୟୋ ବରୁଣୋଽପି ଦିଶାଂ ପତିଃ ॥ ୧୦॥

ସମୀରୋ ବଲବାଂଲ୍ଲୋକେ ଯମୋ ଧର୍ମନିଧିଃ ସ୍ମୃତଃ ।

କୁବେରୋ ନିଧିନାଥୋଽସ୍ତି ନୈରୃତିଃ ସର୍ୱରାକ୍ଷସାନ୍ ॥ ୧୧॥

ଈଶ୍ୱରଃ ଶଙ୍କରୋ ରୁଦ୍ରୋ ଦେବି ରତ୍ନାକରୋଽମ୍ବୁଧିଃ ।

ଅସ୍ୟ ସ୍ମରଣମାତ୍ରେଣ କୁଲେ ତସ୍ୟ କୁଲେଶ୍ୱରି ॥ ୧୨॥

ଆୟୁଃ କୀର୍ତିଃ ପ୍ରଭା ଲକ୍ଷ୍ମୀର୍ୱୃଦ୍ଧିର୍ଭବତି ସନ୍ତତମ୍ ।

କବଚଂ ସୁଭଗଂ ଦେବି ବାଲାୟାଃ କୌଲିକେଶ୍ୱରି ॥) ୧୩॥

ଋଷିଃ ସ୍ୟାଦ୍ଦକ୍ଷିଣାମୂର୍ତିଃ ପଙ୍କ୍ତିଶ୍ଛନ୍ଦ ଉଦାହୃତଃ ।

ବାଲା ସରସ୍ୱତୀ ଦେବି ଦେବତା ତ୍ର୍ୟକ୍ଷରୀ ସ୍ମୃତା ॥ ୧୪॥

ବୀଜଂ ତୁ ବାଗ୍ଭବଂ ପ୍ରୋକ୍ତଂ ଶକ୍ତିଃ ଶକ୍ତିରୁଦାହୃତା ।

କୀଲକଂ କାମରାଜଂ ତୁ ଫଡାଶାବନ୍ଧନଂ ତଥା ।

ଭୋଗାପବର୍ଗସିଦ୍ଧ୍ୟର୍ଥଂ ବିନିୟୋଗଃ ପ୍ରକୀର୍ତିତଃ  ॥ ୧୫॥

ଅକୁଲକୁଲମୟନ୍ତୀ ଚକ୍ରମଧ୍ୟେ ସ୍ଫୁରନ୍ତୀ

ମଧୁରମଧୁ ପିବନ୍ତୀ କଣ୍ଟକାନ୍ ଭକ୍ଷୟନ୍ତୀ ।

ଦୁରତିମପହରନ୍ତୀ ସାଧକାନ୍ ପୋଷୟନ୍ତୀ

ଜୟତୁ ଜୟତୁ ବାଲା ସୁନ୍ଦରୀ କ୍ରୀଡୟନ୍ତୀ ॥

ଐଂ ବୀଜଂ ମେ ଶିରଃ ପାତୁ କ୍ଲୀଂ ବୀଜଂ ଭ୍ରୁକୁଟୀଂ ମମ ।

ସୌଃ ଭାଲଂ ପାତୁ ମେ ବାଲା ଐଂ କ୍ଲୀଂ ସୌଃ ନୟନେ ମମ ॥ ୧॥

ଅଂ ଆଂ ଇଂ ଈଂ ଶ୍ରୁତୀ ପାତୁ ବାଲା ପଞ୍ଚାକ୍ଷରୀ ମମ ।

ଉଂ ଊଂ ଋଂ ୠଂ ସଦା ପାତୁ ମମ ନାସାପୁଟଦ୍ୱୟମ୍ ॥ ୨॥

ଲୃଂ ଲୄଂ ଏଂ ଐଂ ପାତୁ ଗଣ୍ଡୌ ଐଂ କ୍ଲୀଂ ସୌଃ ତ୍ରିପୁରାମ୍ବିକା ।

ଓଁ ଔଂ ଅଂ ଅଃ ମୁଖଂ ପାତୁ ସୌଃ କ୍ଲୀଂ ଐଂ ତ୍ରିପୁରେଶ୍ୱରୀ ॥ ୩॥

କଂ ଖଂ ଗଂ ଘଂ ଡଂ କରୌ ମେ ସୌଃ କ୍ଲୀଂ ଐଂ ଭଗମାଲିନୀ ।

ଚଂ ଛଂ ଜ ଝଂ ଞଂ ମେ ପାତୁ ବାହୂ ସୌଃ ସର୍ୱସିଦ୍ଧିଦା ॥ ୪॥

ଟଂ ଠଂ ଡଂ ଢଂ ଣଂ ମେ ପାତୁ ବକ୍ଷଃ କ୍ଲୀଂ ବୀରନାୟିକା ।

ତଂ ଥଂ ଦଂ ଧଂ ନଂ ମେ ପାତୁ ଐଂ କୁକ୍ଷୌ କୁଲନାୟିକା ॥ ୫॥

ପଂ ଫଂ ବଂ ଭଂ ମଂ ମେ ପାତୁ ପାର୍ଶ୍ୱୌ ପରମସୁନ୍ଦରୀ ।

ଯଂ ରଂ ଲଂ ବଂ ପାତୁ ପୃଷ୍ଠଂ ସୌଃ କ୍ଲୀଂ ଐଂ ବିଶ୍ୱମାତୃକା ॥ ୬॥

ଶଂ ଷଂ ସଂ ହଂ ପାତୁ ନାଭିଂ ସୌଃ ସୌଃ ସୌଃ ତ୍ରିଗୁଣାତ୍ମିକା ।

ଲଂ କ୍ଷଂ କଟିଂ ସଦା ପାତୁ କ୍ଲୀଂ କ୍ଲୀଂ କ୍ଲୀଂ ମାତୃକେଶ୍ୱରୀ ॥ ୭॥

ଐଂ ଐଂ ଐଂ ପାତୁ ଲିଙ୍ଗଂ ମେ ଭଗଲିଙ୍ଗାମୃତ୍ଶ୍ୱରୀ ।

ଐଂ କ୍ଲୀଂ ଗୁହ୍ୟଂ ସଦା ପାତୁ ଭଗଲିଙ୍ଗସ୍ୱରୂପିଣୀ ॥ ୮॥

ସୌଃ ଐଂ ଊରୂ ସଦା ପାତୁ ବେଦମାତାଽଷ୍ଟସିଦ୍ଧିଦା ।

ସୌଃ ଐଂ ଜାନୁ ସଦା ପାତୁ ମହାମୁଦ୍ରାଭିମୁଦ୍ରିତା ॥ ୯॥

ସୌଃ ଐଂ କ୍ଲୀଂ ପାତୁ ମେ ଜଙ୍ଘେ ବାଲା ତ୍ରିଭୁବନେଶ୍ୱରୀ ।

ଐଂ ଐଂ ସୌଃ ସୌଃ ପାତୁ ଗୁଲ୍ଫୌ ତ୍ରୈଲୋକ୍ୟବିଜୟପ୍ରଦା ॥ ୧୦॥

ଐଂ ଐଂ କ୍ଲୀଂ କ୍ଲୀଂ ପାତୁ ପାଦୌ ବାଲା ତ୍ର୍ୟକ୍ଷରରୂପିଣୀ ।

ଶିରସଃ ପାଦପର୍ୟନ୍ତଂ ସର୍ୱାବୟବସଂୟୁତମ୍ ॥ ୧୧॥

ପାୟାତ୍ପାଦାଦି ଶୀର୍ଷାନ୍ତଂ ଐଂ କ୍ଲୀଂ ସୌଃ ସକଲଂ ବପୁଃ ।

ବ୍ରାହ୍ମୀ ମାଂ ପୂର୍ୱତଃ ପାତୁ ବହ୍ନୌ ନାରାୟଣୀ ତଥା ॥ ୧୨॥

ମାହେଶ୍ୱରୀ ଦକ୍ଷିଣେଽବ୍ୟାନ୍ନୈରୃତ୍ୟେ ଚଣ୍ଡିକାଽବତୁ ।

ପଶ୍ଚିମେ ପାତୁ କୌମାରୀ ବାୟବ୍ୟେ ଚାପରାଜିତା ॥ ୧୩॥

ବାରାହୀ ତୂତ୍ତରେ ପାୟାଦୀଶାନ୍ୟାଂ ନାରସିଂହକା ।

ପ୍ରଭାତେ ଭୈରବୀ ପାତୁ ମଧ୍ୟାହ୍ନେ ଯୋଗିନୀ କ୍ରମାତ୍ ॥ ୧୪॥

ସାୟଂ ମାଂ ବଟୁକଃ ପାୟାଦର୍ଧରାତ୍ରେ ଶିବୋଽବତୁ ।

ନିଶାନ୍ତେ ସର୍ୱଗା ପାତୁ ସର୍ୱଦା ଚକ୍ରନାୟିକା ॥ ୧୫॥

ରଣେ ରାଜକୁଲେ ଦ୍ୟୂତେ ବିବାଦେ ଶତ୍ରୁସଙ୍କଟେ ।

ସର୍ୱତ୍ର ସର୍ୱତଃ ପାତୁ ଐଂ କ୍ଲୌ ସୌଃ ବୀଜଭୂଷିତା ॥ ୧୬॥

ଇତୀଦଂ କବଚଂ ଦିବ୍ୟଂ ବାଲାୟାଃ ସାରମୁତ୍ତମମ୍ ।

ମନ୍ତ୍ରବିଦ୍ୟାମୟଂ ତତ୍ତ୍ୱଂ ମାତୃକାକ୍ଷରଭୂଷିତମ୍ ॥ ୧୭॥

ବ୍ରହ୍ମବିଦ୍ୟାମୟଂ ବ୍ରହ୍ମସାଧନଂ ମନ୍ତ୍ରସାଧନମ୍ ।

ଯଃ ପଠେତ୍ସତତଂ ଭକ୍ତ୍ୟା ଧାରୟେଦ୍ୱା ମହେଶ୍ୱରି ॥ ୧୮॥

ତସ୍ୟ ସର୍ୱାର୍ଥସିଦ୍ଧିଃ ସ୍ୟାତ୍ ସାଧକସ୍ୟ ନ ସଂଶୟଃ ।

ରବୌ ଭୂର୍ଜେ ଲିଖିତ୍ୱେଦଂ ଅର୍ଚୟେଦ୍ଧାରୟେତ୍ତତଃ ॥ ୧୯॥

ବନ୍ଧ୍ୟାପି କାକବନ୍ଧ୍ୟାପି ମୃତବତ୍ସାପି ପାର୍ୱତି ।

ଲଭେତ୍ପୁତ୍ରାନ୍ ମହାବୀରାନ୍ ମାର୍କଣ୍ଡେୟସମାୟୁଷଃ ॥ ୨୦॥

ବିତ୍ତଂ ଦରିଦ୍ରୋ ଲଭତେ ମତିମାନୟଶଃସ୍ତ୍ରିୟଃ ।

ଯ ଏତଦ୍ଧାରୟେଦ୍ୱର୍ମ ସଙ୍ଗ୍ରାମେ ସ ରିପୂନ୍ ଜୟେତ୍ ॥ ୨୧॥

ଜିତ୍ୱା ବୈରିକୁଲଂ ଘୋରଂ କଲ୍ୟାଣଂ ଗୃହମାବିଶେତ୍ ।

ବାହୌ କଣ୍ଠେ ତଥା ଦେବି ଧାରୟେନ୍ମୂର୍ଧ୍ନି ସନ୍ତତମ୍ ॥ ୨୨॥

ଇହ ଲୋକେ ଧନାରୋଗ୍ୟଂ ପରମାୟୁର୍ୟଶଃ ଶ୍ରିୟମ୍ ।

ପ୍ରାପ୍ୟ ଭକ୍ତ୍ୟା ନରୋ ଭୋଗାନନ୍ତେ ଯାତି ପରଂ ପଦମ୍ ॥ ୨୩॥

ଇଦଂ ରହସ୍ୟଂ ପରମଂ ସର୍ୱତତ୍ତ୍ୱେଷୁ ହ୍ୟୁତ୍ତମମ୍ ।

ଗୁହ୍ୟାଦ୍ଗୁହ୍ୟମିମଂ ନିତ୍ୟଂ ଗୋପନୀୟଂ ସ୍ୱୟୋନିବତ୍ ॥ ୨୪॥

(ରୁଦ୍ରୟାମଲେ)

(୧-୧୬ ଶ୍ଲୋକେଷୁ ପାଠଭେଦଃ -

ଅଂ ଆଂ ଇଂ ଈଂ ଶ୍ରୁତୀ ପାତୁ ବାଲା କାମେଶ୍ୱରୀ ମମ ।

ଉଂ ଉଂ ଋଂ ୠଂ ସଦା ପାତୁ ମମ ନାସାପୁଟଦ୍ୱୟମ୍ ॥ ୨॥

ଲୃଂ ଲୄଂ ଏଂ ଐଂ ପାତୁ ଗଣ୍ଡୌ ଐଂ କ୍ଲୀଂ ସୌଃ ତ୍ରିପୁରାମ୍ବିକା ।

ଓଁ ଔଂ ଅଂ ଅଃ ମୁଖଂ ପାତୁ କ୍ଲୀଂ ଐଂ ସୌଃ ତ୍ରିପୁରେଶ୍ୱରୀ ॥ ୩॥

କଂ ଖଂ ଗଂ ଘଂ ଙଂ କରୌ ମେ ସୌଃ ଐଂ କ୍ଲୀଂ ଶତ୍ରୁମର୍ଦିନୀ ।

ଚଂ ଛଂ ଜଂ ଝଂ ଞଂ ପାତୁ ମେ କୁକ୍ଷିଂ ଐଂ କୁଲନାୟିକା ॥ ୪॥

ଟଂ ଠଂ ଡଂ ଢଂ ଣଂ ପାତୁ ମେ ବକ୍ଷଃ କ୍ଲୀଂ ଭଗମାଲିନୀ ।

ତଂ ଥଂ ଦଂ ଧଂ ନଂ ପାତୁ ମେ ବାହୂ ସୌଃ ଜୟଦାୟିନୀ ॥ ୫॥

ପଂ ଫଂ ବଂ ଭଂ ମଂ ମେ ପାତୁ ପାର୍ଶ୍ୱେ ପରମସୁନ୍ଦରୀ ।

ଯଂ ରଂ ଲଂ ବଂ ପାତୁ ପୃଷ୍ଠଂ ଐଂ କ୍ଲୀଂ ସୌଃ ବିଶ୍ୱମାତୃକା ॥ ୬॥

ଶଂ ଷଂ ସଂ ହଂ ପାତୁ ନାଭିଂ ଭଗବତ୍ୟମୃତେଶ୍ୱରୀ ।

ଲଂ କ୍ଷଂ କଟିଂ ସଦା ପାତୁ କ୍ଲୀଂ କ୍ଲୀଂ କ୍ଲୀଂ ମାତୃକେଶ୍ୱରୀ ॥ ୭॥

ଐଂ ଐଂ ଐଂ ପାତୁ ମେ ଲିଙ୍ଗଂ ଭଗଂ ମେ ଭଗଗର୍ଭିଣୀ ।

ସୌଃ ସୌଃ ସୌଃ ପାତୁ ମେ ଊରୂ ବୀରମାତାଽଷ୍ଟସିଦ୍ଧିଦା ॥ ୮॥

ସୌଃ ଐଂ କ୍ଲୀଂ ଜାନୂ ମେ ପାତୁ ମହାମୁଦ୍ରାଭିମୁଦ୍ରିତା ।

ସୌଃ କ୍ଲୀଂ ଐଂ ପାତୁ ମେ ଜଙ୍ଘେ ବାଲା ତ୍ରିଭୁବନେଶ୍ୱରୀ ॥ ୯॥

କ୍ଲୀଂ ଐଂ ସୌଃ ପାତୁ ଗୁଲ୍ଫୌ ମେ ତ୍ରୈଲୋକ୍ୟବିଜୟପ୍ରଦା ।

ଐଂ କ୍ଲୀଂ ସୌଃ ପାତୁ ମେ ପାଦୌ ବାଲା ତ୍ର୍ୟକ୍ଷରରୂପଣୀ ॥ ୧୦॥

ଶୀର୍ଷାଦିପାଦପର୍ୟନ୍ତଂ ସର୍ୱାବୟବସଂୟୁତମ୍ ।

ପାୟାତ୍ପାୟ୍ୱାଦି ଶୀର୍ଷାଙ୍ଗଂ ଐଂ କ୍ଲୀଂ ସୌଃ ସକଲଂ ବପୁଃ ॥ ୧୧॥

ବ୍ରାହ୍ମୀ ମାଂ ପୂର୍ୱତଃ ପାତୁ ବହ୍ନୀ ବାରାହିକାଽବତୁ ।

ମହେଶ୍ୱରୀ ଦକ୍ଷିଣେ ଚ ଇନ୍ଦ୍ରାଣୀ ପାତୁ ନୈରୃତୌ ॥ ୧୨॥

ପଶ୍ଚିମେ ପାତୁ କୌମାରୀ ବାୟବ୍ୟେ ଚଣ୍ଡିକାଽବତୁ ।

ବୈଷ୍ଣବୀ ପାତୁ କୌବେର୍ୟାଂ ଈଶାନ୍ୟାଂ ନାରସିଂହିକା ॥ ୧୩॥

ପ୍ରଭାତେ ଭୈରବୀ ପାତୁ ମଧ୍ୟାହ୍ନେ ଯୋଗିନୀ ତଥା ।

ସାପାହ୍ନେ ବଟୁକା ପାତୁ ଅର୍ଧରାତ୍ରେ ଶିବାଽବତୁ ॥ ୧୪॥

ନିଶାନ୍ତେ ସର୍ୱଗା ପାତୁ ସର୍ୱଦା ଚକ୍ରନାୟିକା ।

ରଣେ ନାଗକୁଲେ ଦ୍ୟୂତେ ବିବାଦେ ଶତ୍ରୁସଙ୍କଟେ ॥

ସର୍ୱତ୍ର ସର୍ୱଦା ପାତୁ ଐଂ କ୍ଲୀଂ ସୌଃ ବୀଜଭୂଷିତା । ୧୫॥)

ଇତି ଶ୍ରୀବାଲା-ତ୍ରୈଲୋକ୍ୟ-ବିଜୟ-କବଚଂ- ସମ୍ପୂର୍ଣମ୍ ।