ଶ୍ରୀବିଦ୍ୟା-[39]-01-07-2021

ଶ୍ରୀବାଲା-ପଞ୍ଚ-ରତ୍ନ-ସ୍ତୋତ୍ରମ୍

 ଆଈ ଆନନ୍ଦବଲ୍ଲୀ ଅମୃତକରତଲୀ ଆଦିଶକ୍ତିଃ ପରାଈ

     ମାୟା ମାୟାତ୍ମରୂପୀ ସ୍ଫଟିକମଣିମୟୀ ମାମତଙ୍ଗୀ ଷଡଙ୍ଗୀ ।

ଜ୍ଞାନୀ ଜ୍ଞାନାତ୍ମରୂପୀ ନଲିନପରିମଲୀ ନାଦ ଓଙ୍କାରମୂର୍ତିଃ

     ଯୋଗୀ ଯୋଗାସନସ୍ଥା ଭୁବନବଶକତୀ ସୁନ୍ଦରୀ ଐଂ ନମସ୍ତେ ॥ ୧॥

ବାଲାମନ୍ତ୍ରେ କଟାକ୍ଷୀ ମମ ହୃଦୟସୁଖୀ ମତ୍ତଭାବ ପ୍ରଚଣ୍ଡୀ

     ବ୍ୟାଲୀ ଯଜ୍ଞୋପବୀତୀ ବିକଟକଟିତଟୀ ବୀରଶକ୍ତିଃ ପ୍ରସନ୍ନା ।

ବାଲା ବାଲେନ୍ଦୁମୌଲିର୍ମଦଗଜଗମନା ସାକ୍ଷିକା ସ୍ୱସ୍ତିମନ୍ତ୍ରୀ

     କାଲୀ କଙ୍କାଲରୂପୀ କଟିକଟିକହ୍ରୀଙ୍କାରିଣୀ କ୍ଲୀଂ ନମସ୍ତେ ॥ ୨॥

ମୂଲାଧାରା ମହାତ୍ମା ହୁତବହନୟନୀ ମୂଲମନ୍ତ୍ରା ତ୍ରିନେତ୍ରା

     ହାରା କେୟୂରବଲ୍ଲୀ ଅଖିଲତ୍ରିପଦକା ଅମ୍ବିକାୟୈ ପ୍ରିୟାୟୈ ।

ବେଦା ବେଦାଙ୍ଗନାଦା ବିନତଘନମୁଖୀ ବୀରତନ୍ତ୍ରୀପ୍ରଚାରୀ

     ସାରୀ ସଂସାରବାସୀ ସକଲଦୁରିତହା ସର୍ୱତୋ ହ୍ରୀଂ ନମସ୍ତେ ॥ ୩॥

ଐଂ କ୍ଲୀଂ ହ୍ରୀଂ ମନ୍ତ୍ରରୂପା ଶକଲଶଶିଧରା ସଂପ୍ରଦାୟପ୍ରଧାନା

     କ୍ଲୀଂ ହ୍ରୀଂ ଶ୍ରୀଂ ବୀଜମୁଖ୍ୟୈଃ ହିମକରଦିନକୃଜ୍ଜ୍ୟୋତିରୂପା ସରୂପା ।

ସୌଃ କ୍ଲୀଂ ଐଂ ଶକ୍ତିରୂପା ପ୍ରଣବହରିସତେ ବିନ୍ଦୁନାଦାତ୍ମକୋଟିଃ

     କ୍ଷାଂ କ୍ଷୀଂ କ୍ଷୂଙ୍କାରନାଦେ ସକଲଗୁଣମୟୀ ସୁନ୍ଦରୀ ଐଂ ନମସ୍ତେ ॥ ୪॥

ଅଧ୍ୟାନାଧ୍ୟାନରୂପା ଅସୁରଭୟକରୀ ଆତ୍ମଶକ୍ତିସ୍ୱରୂପା

     ପ୍ରତ୍ୟକ୍ଷା ପୀଠରୂପୀ ପ୍ରଲୟଯୁଗଧରା ବ୍ରହ୍ମବିଷ୍ଣୁତ୍ରିରୂପୀ ।

ଶୁଦ୍ଧାତ୍ମା ସିଦ୍ଧରୂପା ହିମକିରଣନିଭା ସ୍ତୋତ୍ରସଙ୍କ୍ଷୋଭଶକ୍ତିଃ

     ସୃଷ୍ଟିସ୍ଥିତ୍ୟନ୍ତମୂର୍ତୀ ତ୍ରିପୁରହରଜୟୀ ସୁନ୍ଦରୀ ଐଂ ନମସ୍ତେ ॥ ୫॥

ଇତି ଶ୍ରୀବାଲାପଞ୍ଚରତ୍ନସ୍ତୋତ୍ରଂ ସମ୍ପୂର୍ଣମ୍ ।