ଶ୍ରୀ ବିଦ୍ୟା—[50]-21-07-2021

ଶ୍ରୀବାଲା-ରକ୍ଷା-ସ୍ତୋତ୍ରମ୍

ସର୍ୱଲୋକୈକଜନକେ ସର୍ୱାଭୀଷ୍ଟଫଲପ୍ରଦେ ।

ରକ୍ଷ ମାଂ କ୍ଷୁଦ୍ରଜାଲେଭ୍ୟଃ ପାତକେଭ୍ୟଶ୍ଚ ସର୍ୱଦା ॥ ୧॥

ଜଗଦ୍ଧିତେ ଜଗନ୍ନେତ୍ରି ଜଗନ୍ମାତର୍ଜଗନ୍ମୟେ ।

ଜଗଦ୍ଦୁରିତଜାଲେଭ୍ୟୋ ରକ୍ଷ ମାମହିତଂ ହର ॥ ୨॥

ବାଙ୍ମନଃ କାୟକରଣୈର୍ଜନ୍ମାନ୍ତରଶତାର୍ଜିତମ୍ ।

ପାପଂ ନାଶୟ ଦେବେଶି ପାହି ମାଂ କୃପୟାଽନିଶମ୍ ॥ ୩॥

ଜନ୍ମାନ୍ତରସହସ୍ରେଷୁ ଯତ୍କୃତଂ ଦୁଷ୍କୃତଂ ମୟା ।

ତନ୍ନିବାରୟ ମାଂ ପାହି ଶରଣ୍ୟେ ଭକ୍ତବତ୍ସଲେ ॥ ୪॥

ମୟା କୃତାନ୍ୟଶେଷାଣି ମଦୀୟୈଶ୍ଚ କୃତାନି ଚ ।

ପାପାନି ନାଶୟସ୍ୱାଦ୍ୟ ପାହି ମାଂ ପରଦେବତେ ॥ ୫॥

 

ଜ୍ଞାନାଜ୍ଞାନକୃତୈଃ ପାପୈଃ ସାମ୍ପ୍ରାପ୍ତଂ ଦୁରିତଂ କ୍ଷଣାତ୍ ।

ନିବାରୟ ଜଗନ୍ମାତରଖିଲୈରନିବାରିତମ୍ ॥ ୬॥

ଅସତ୍କାର୍ୟନିବୃତ୍ତିଂ ଚ ସତ୍କାୟସ୍ୟ ପ୍ରବର୍ତନମ୍ ।

ଦେବତାତ୍ମାନୁସନ୍ଧାନଂ ଦେହି ମେ ପରମେଶ୍ୱରି ॥ ୭॥

ସର୍ୱାବରଣବିଦ୍ୟାନାଂ ସନ୍ଧାନେନାନୁଚିନ୍ତନମ୍ ।

ଦେଶିକାଙ୍ଘ୍ରିସ୍ମୃତିଂ ଚୈବ ଦେହି ମେ ଜଗଦୀଶ୍ୱରି ॥ ୮॥

ଅନୁସ୍ୟୂତରପରବ୍ରହ୍ମାନନ୍ଦାମୃତନିଷେବଣମ୍ ।

ଅତ୍ୟନ୍ତନିଶ୍ଚଲଂ ଚିତ୍ତଂ ଦେହି ମେ ଜଗଦୀଶ୍ୱରି ॥ ୯॥

ଅନୁସ୍ୟୂତରପରବ୍ରହ୍ମାନନ୍ଦାମୃତନିଷେବଣମ୍ ।

ଅତ୍ୟନ୍ତନିଶ୍ଚଲଂ ଚିତ୍ତଂ ଦେହି ମେ ପରମେଶ୍ୱରି ॥ ୧୦॥

ସଦାଶିବାଦ୍ୟୈର୍ଧାତ୍ର୍ୟନ୍ତୈଃ ଦେବତାଭିର୍ମୁନୀଶ୍ୱରୈଃ ।

ଉପାସିତଂ ପଦଂ ଯତ୍ତଦ୍ଦେହି ମେ ପରମେଶ୍ୱରି ॥ ୧୧॥

ଇନ୍ଦ୍ରାଦିଭିରଶେଷୈଶ୍ଚ ଦେବୈରସୁରରାକ୍ଷସୈଃ ।

କୃତଂ ବିଘ୍ନଂ ନିବାର୍ୟାଶୁ କୃପୟା ରକ୍ଷ ରକ୍ଷ ମାମ୍ ॥ ୧୨॥

ଆତ୍ମାନମାତ୍ମନଃ ସ୍ନିଗ୍ଧମାଶ୍ରିତଂ ପରିଚାରକମ୍ ।

ଦ୍ରବ୍ୟଦଂ ବନ୍ଧୁବର୍ଗଂ ଚ ଦେବେଶି ପରିରକ୍ଷ ନଃ ॥ ୧୩॥

ଉପାସକସ୍ୟ ଯୋ ଯୋ ମେ ଯଥାଶକ୍ତ୍ୟନୁକୂଲକୃତ୍ ।

ସୁହୃଦଂ ରକ୍ଷ ତଂ ନିତ୍ୟଂ ଦ୍ୱିଷନ୍ତମନୁକୂଲୟ ॥ ୧୪॥

ଦୈହିକାଦୈହିକାନ୍ନାନାହେତୁକାତ୍କେବଲଦ୍ଭୟାତ୍ ।

ପାହି ମାଂ ପ୍ରଣତାପତ୍ତିଭଞ୍ଜନେ ବିଶ୍ୱଲୋଚନେ ॥ ୧୫॥

ନିତ୍ୟାନନ୍ଦମୟଂ ସୌଖ୍ୟଂ ନିର୍ମଲଂ ନିରୂପାଧିକମ୍ ।

ଦେହି ମେ ନିଶ୍ଚଲାଂ ଭକ୍ତିଂ ନିଖିଲାଭିଷ୍ଟସିଦ୍ଧିଦେ ॥ ୧୬॥

ଯନ୍ମୟା ସକଲୋପାୟୈଃ କରଣୀୟମିତଃ ପରମ୍ ।

ତତ୍ସର୍ୱଂ ବୋଧୟସ୍ୱାମ୍ବ ସର୍ୱଲୋକହିତେ ରତେ ॥ ୧୭॥

ପ୍ରଦେହି ବୁଦ୍ଧିୟୋଗଂ ତଂ ଯେନ ତ୍ୱାମୁପୟାମ୍ୟହମ୍ ।

କାମାନାଂ ହୃଦ୍ୟସଂରୋହଂ ଦେହି ମେ କୃପୟେଶ୍ୱରି ॥ ୧୮॥

ଭବାବ୍ଧୌ ପତିତଂ ଭୀତମନାଥଂ ଦୀନମାନସମ୍ ।

ଉଦ୍ଧୃତ୍ୟ କୃପୟା ଦେବି ନିଧେହି ଚରଣାମ୍ବୁଜେ ॥ ୧୯॥

ଇତି ଶ୍ରୀବାଲାରକ୍ଷାସ୍ତୋତ୍ରଂ ସମ୍ପୂର୍ଣମ୍ ।