ଶ୍ରୀ ବିଦ୍ୟା—[54]-31-07-2021

ଶ୍ରୀବାଲା-ସ୍ତୋତ୍ରମ୍ ୫

ସ୍ଫଟିକରଜତବର୍ଣଂ ମୌକ୍ତିକାମାଲ୍ୟଭୂଷଂ

     ଅମୃତକଲଶବିଦ୍ୟାଜ୍ଞାନମୁଦ୍ରାଃ କରାଗ୍ରୈଃ ।

ଦଧତମୃଷଭକକ୍ଷ୍ୟଂ ଚନ୍ଦ୍ରଚୂଡଂ ତ୍ରିନେତ୍ରଂ

     ବିଧୃତବିବିଧଭୂଷଂ ଦକ୍ଷିଣାମୂର୍ତିମୀଡେ ॥ ୧॥

ଏଙ୍କାରୈକସମସ୍ତଶତ୍ରୁରଚନାମାବେଦ୍ୟ ମୂର୍ତିପ୍ରଦାଂ

     ଐଶ୍ୱର୍ୟାଦିକମଷ୍ଟଭୋଗଫଲଦାମୈଶ୍ୱର୍ୟଦାଂ ପୁଷ୍ପିଣୀମ୍ ।

ଐନ୍ଦ୍ରବ୍ୟାକରଣାଦିଶାସ୍ତ୍ରବରଦାମୈରାବତାରାଧିତାଂ

     ଐଶାନୀଂ ଭୁବନତ୍ରୟସ୍ୟ ଜନନୀମୈଙ୍କାରିଣୀମାଶ୍ରୟେ ॥ ୨॥

କ୍ଲୀଙ୍କାରୈକସମସ୍ତବଶ୍ୟକରିଣୀଂ କ୍ଲୀଂ ପଞ୍ଚବାଣାତ୍ମିକାଂ

     କ୍ଲୀଂ ବିଦ୍ରାରଣକାରିଣୀଂ ବରଶିବାଂ କ୍ଲିନ୍ନାଂ ଶିବାଲିଙ୍ଗିତାମ୍ ।

କ୍ଲୀବୋଽପି ପ୍ରଣମନ୍ଭବାନି ଭବତୀଂ ଧ୍ୟାତ୍ୱା ହୃଦମ୍ଭୋରୁହେ

     କ୍ଲିନ୍ନାଶେଷବଶୀକରୋ ଭବତି ଯତ୍କ୍ଲୀଙ୍କାରିଣୀଂ ନୌମ୍ୟହମ୍ ॥ ୩॥

ସୌଃ ଶବ୍ଦପ୍ରଥିତାମରାଦିବିନୁତାଂ ସୂକ୍ତିପ୍ରକାଶପ୍ରଦାଂ

     ସୌଭାଗ୍ୟାମ୍ବୁଧିମନ୍ଥନାମୃତରସାଂ ସୌନ୍ଦର୍ୟସମ୍ପତ୍କରୀମ୍ ।

ସାନ୍ନିଧ୍ୟଂ ଦଧତୀଂ ସଦା ପ୍ରଣମତାଂ ସାମ୍ରାଜ୍ୟଲକ୍ଷ୍ମୀପ୍ରଦାଂ

     ସୌଃ କାରାଙ୍କିତପାଦପଙ୍କଜୟୁଗାଂ ସୌଷୁମ୍ନଗାଂ ନୌମ୍ୟହମ୍ ॥ ୪॥

ଇତି ଶ୍ରୀବାଲାସ୍ତୋତ୍ରମ୍ (୫) ସମ୍ପୂର୍ଣମ୍ ।