ଶ୍ରୀ ବିଦ୍ୟା—[41]-05-07-2021

ଶ୍ରୀବାଲା-ହୃଦୟମ୍ ୨

ଅସ୍ୟ ଶ୍ରୀବାଲାଦେବ୍ୟା ହୃଦୟମହାମନ୍ତ୍ରସ୍ୟ ସଦାଶିବଃ ଋଷିଃ ।

ଅନୁଷ୍ଟୁପ୍ଛନ୍ଦଃ । ବାଲାତ୍ରିପୁରସୁନ୍ଦରୀ ଦେବତା ।

ନ୍ୟାସା ମୂଲମନ୍ତ୍ରବତ୍ ।

ଧ୍ୟାନମ୍-

ବନ୍ଦେ ଦେବୀଂ ଶିବାଂ ବାଲାଂ ଭାସ୍ୱନ୍ମଣ୍ଡଲମଧ୍ୟଗାମ୍ ।

ଚଞ୍ଚଚ୍ଚନ୍ଦ୍ରାନନାଂ ତପ୍ତଚାମୀକରସମପ୍ରଭାମ୍ ॥ ୧॥

ନୃତ୍ୟତ୍ଖଞ୍ନନେତ୍ରସ୍ୟ ଲୋଚନାତ୍ୟନ୍ତବଲ୍ଲଭାମ୍ ।

ମଧ୍ୟଭାଗେ ଲସତ୍କାଞ୍ଚୀ ମଣିମୁକ୍ତାବିନିର୍ମିତାମ୍ ॥ ୨॥

ପଦବିନ୍ୟସ୍ତହଂସାଲୀଂ ଶୁକନାସାବିରାଜିତାମ୍ ।

କରିଶୁଣ୍ଡୋରୁୟୁଗଲାଂ ମତ୍ତକୋକିଲନିଃ ସ୍ୱାନାମ୍ ॥ ୩॥

ପୁସ୍ତକଂ ଜପମାଲାଞ୍ଚ ବରଦାଭୟପାଣିନୀମ୍ ।

କୁମାରୀବେଶଶୋଭାଢ୍ୟାଂ କୁମାରୀବୃନ୍ଦମଣ୍ଡିତାମ୍ ॥ ୪॥

ବିଦ୍ରୁମାଧରଶୋଭାଢ୍ୟାଂ ବିଦ୍ରୁମାଲିନଖାଲିକାମ୍ ।

କ୍କଣତ୍କାଞ୍ଚୀଂ କଲାନାଥସମାନରୁଚିରାନନାମ୍ ॥ ୫॥

ମୃଣାଲବାହୁଲତିକାଂ ନାନାରତ୍ନବିରାଜିତାମ୍ ।

କରପଦ୍ମସମାନାଭାଂ ପାଦପଦ୍ମବିରାଜିତାମ୍ ॥ ୬॥

ଚାରୁଚାମ୍ପେୟବସନାଂ ଦେବଦେବନମସ୍କୃତାମ୍ ।

ଚନ୍ଦନେନ୍ଦୁବିଲପ୍ତାଙ୍ଗୀଂ ରୋମରାଜୀବିଚିତ୍ରିତାମ୍ ॥ ୭॥

ତିଲପୁଷ୍ପସମାନାଭାଂ ନାସାରତ୍ନସମନ୍ୱିତାମ୍ ।

ଗଜଗଣ୍ଡନିତମ୍ବାଭାଂ ରମ୍ଭାଜଙ୍ଘାବିରାଜିତାମ୍ ॥ ୮॥

ହରବିଷ୍ଣୁମହେନ୍ଦ୍ରାଦ୍ୟୈଃ ପୂଜ୍ୟଶ୍ରୀପାଦପଙ୍କଜାମ୍ ।

କଲ୍ୟାଣୀଂ କମଲାଂ କାଲୀଂ କୁଞ୍ଚିକାଂ କମଲେଶ୍ୱରୀମ୍ ॥ ୯॥

ପାବନୀଂ ପରମାଂ ଶକ୍ତିଂ ପବିତ୍ରାଂ ପାବନୀଂ ଶିବାମ୍ ।

ଭବାନୀଂ ଭବପାଶଘ୍ନୀଂ ଭୀତିହାଂ ଭୁବନେଶ୍ୱରୀମ୍ ॥ ୧୦॥

ଭବାନୀଂ ଭବଶକ୍ତିଞ୍ଚ ଭେରୁଣ୍ଡାଂ ମୁଣ୍ଡମାଲିନୀମ୍ ।

ଜଲନ୍ଧରଗିର୍ୟୁତ୍ସଙ୍ଗାଂ ପୂର୍ଣଗିର୍ୟନୁରାଗିଣୀମ୍ ॥ ୧୧॥

କାମରୂପାଂ ଚ କାମାଖ୍ୟାଂ ଦେବୀକୋଟକୃତାଲୟାମ୍ ।

ଓଙ୍କାରପୀଠନିଲୟାଂ ମହାମାୟାଂ ମହେଶ୍ୱରୀମ୍ ॥ ୧୨॥

ବିଶ୍ୱେଶ୍ୱରୀଂ ଚ ମଧୁରାଂ ନାନାରୂପାକୃତାପୁରୀମ୍ ।

ଐଂ କ୍ଲୀଂ ସୌଃ ତ୍ର୍ୟକ୍ଷରାଂ ବାଲାଂ ତଦ୍ୱିଲୋମାଂ କୁମାରିକାମ୍ ॥ ୧୩॥

ହ୍ୟୈଃ ଐଂ ହଂସଃ ନମୋ ଦେବି ତ୍ରିପୁରାଂ ଜୀବଭୈରବୀମ୍ ।

ନାରଦୋ ଯସ୍ୟ ଦେବର୍ଷିଃ ମହାଶାନ୍ତିଫଲପ୍ରଦାମ୍ ॥ ୧୪॥

ଓଁ ନମୋ ଶ୍ରୀମହାଲକ୍ଷ୍ମ୍ୟୈ ଲକ୍ଷ୍ମୀଂ ତ୍ରିପୁରଭୈରବୀମ୍ ।

ଓଁ ହ୍ରୀଂ ଜୂଂ ସଃ ପ୍ରାଣଗ୍ରନ୍ଥିଃ ଦ୍ୱିଧାର୍ଗକବଚଦ୍ୱୟମ୍ ॥ ୧୫॥

ଇୟଂ ସଞ୍ଜୀବିନୀ ଦେବୀ ମୃତାନ୍ ଜୀବତ୍ୱଦାୟିନୀ ।

ଫ୍ରେଃ ଫ୍ରଂ ନ ଫ ଲ ବ ର ଯୂଂ ଶ୍ରୋଂ ଶ୍ରୋଂ ଅମୃତମାବଦେତ୍ ॥ ୧୬॥

ସ୍ରାବୟ ସ୍ରାବୟ ତଥା ବ୍ରୀଂ ବ୍ରୀଂ ମୃତ୍ୟୁଞ୍ଜୟାଭିଧା ।

ଓଁ ନମୋ ପ୍ରଥମମାଭାଷ୍ୟ କାଲୀବୀଜଂ ଦ୍ୱିଧା ପଠେତ୍ ॥ ୧୭॥

କୂର୍ଚଦ୍ୱୟଂ ତଥା ମାୟା ଆଗାମିପଦମାବଦେତ୍ ।

ମୃତ୍ୟୁଂ ଛିନ୍ଦି ତଥା ଭିନ୍ଦି ମହାମୃତ୍ୟୁଞ୍ଜୟୋ ଭବେତ୍ ॥ ୧୮॥

ତବ ଶବ୍ଦଂ ମମାଭାଷ୍ୟ ଖଡ୍ଗେନ ଚ ବିଦାରୟ ।

ଦ୍ୱିଧା ଭାଷ୍ୟ ମହେଶାନି ତଦନ୍ତେ ବହ୍ନିସୁନ୍ଦରୀ ॥ ୧୯॥

ଇୟଂ ଦେବୀ ମହାବିଦ୍ୟା ଆଗାମି କାଲବଞ୍ଚିନୀ ।

ପ୍ରାତର୍ଦୀପଦଲାକାରଂ ବାଗ୍ଭବଂ ରସନାତଲେ ॥ ୨୦॥

ବିଚିନ୍ତ୍ୟ ପ୍ରଜପେତଚ୍ଚ ମହାକବିର୍ଭବେଦ୍ଧ୍ରୁବମ୍ ।

ମଧ୍ୟାହ୍ନେ କାମରାଜାଖ୍ୟଂ ଜପାକୁସୁମସନ୍ନିଭମ୍ ॥ ୨୧॥

ବିଚିନ୍ତ୍ୟ ହୃଦି ମଧ୍ୟେ ତୁ ତଚ୍ଚ ମନ୍ତ୍ରଂ ଜପେତ୍ପ୍ରିୟେ ।

ଧର୍ମାର୍ଥକାମମୋକ୍ଷାଣାଂ ଭାଜନୋ ଜାୟତେ ଧ୍ରୁବମ୍ ॥ ୨୨॥

ତାର୍ତୀୟଂ ଚନ୍ଦ୍ରସଙ୍କାଶଂ ସାୟଙ୍କାଲେ ବିଚିନ୍ତ୍ୟ ଚ ।

ପ୍ରଜପେତ୍ତତ୍ର ଦେବେଶି ଜାୟତେ ମଦନୋପମଃ ॥ ୨୩॥

ବାଗ୍ଭବଂ କାମରାଜଂ ତୁ ତାର୍ତୀୟଂ ବହ୍ନିବଲ୍ଲଭାମ୍ ।

ଅୟୁତଂ ପ୍ରଜପେନ୍ନିତ୍ୟଂ ଆଗାମୀ କାଲୋ ବଞ୍ଚ୍ୟତେ ॥ ୨୪॥

ତ୍ରିକୋଣଂ ଚକ୍ରମାଲିଖ୍ୟ ମାୟାୟୁକ୍ତଂ ମହେଶ୍ୱରି ।

ତସ୍ୟୋପରି ସମାସ୍ତୀର୍ୟ ଚାସନଂ ରକ୍ତବର୍ଣକମ୍ ।

ତସ୍ୟୋପରି ବିଶେଦ୍ଦେବି ସାଧକଃ ପ୍ରାଙ୍ମୁଖୋ ନିଶି ॥ ୨୬॥

କ୍ରମେଣ ପ୍ରଜପେଦ୍ୱର୍ଣାନ୍ ବାଗାଦି ନିୟତଃ ଶୁଚିଃ ।

ମଣ୍ଡଲତ୍ରିତୟେ ଦେବି ପ୍ରାପ୍ୟତେ ସିଦ୍ଧିରୁତ୍ତମା ॥ ୨୭॥

ନବୟୋନ୍ୟାତ୍ମକଂ ଚକ୍ରଂ ପୂଜୟେଚ୍ଛାସ୍ତ୍ରବର୍ତ୍ମନା ।

ପ୍ରଜପେଦ୍ ଦ୍ୱୟକ୍ଷରୀଂ ବାଲାଂ ସର୍ୱସିଦ୍ଧୀଶ୍ୱରୋ ଭବେତ୍ ॥ ୨୮॥

ଯଂ ଯଂ ଚିନ୍ତୟତେ କାମଂ ତଂ ତଂ ପ୍ରାପ୍ନୋତି ସର୍ୱଶଃ ।

ଇଦଂ ତୁ ହୃଦୟଂ ଦେବି ତବାଗ୍ରେ କଥିତଂ ମୟା ॥ ୨୯॥

ମମ ଭାଗ୍ୟଂ ଚ ସର୍ୱସ୍ୱଂ ବ୍ରହ୍ମାଦୀନାଂ ଚ ଦୁର୍ଲଭମ୍ ।

ଗୋପନୀୟଂ ତ୍ୱୟା ଭାଦ୍ରେ ସ୍ୱୟୋନିରିବ ପାର୍ୱତି ॥ ୩୦॥

ଶତବର୍ତେନ ଦେବେଶି ମାନୁଷୀ ବଶମାପ୍ନୁୟାତ୍ ।

ସହସ୍ରାବର୍ତନାଦ୍ଦେବି ଦେବା ବୈ ବଶମାପ୍ନୁୟୁଃ ॥ ୩୧॥

ଲକ୍ଷମାବର୍ତନାଦ୍ଦେବି ଶୁନାସୀରଃ ସ୍ୱକାସନାତ୍ ।

କ୍ଷଣାଚ୍ଚ୍ୟବତି ତତ୍ର ବୈ କିଂ ପୁନଃ କ୍ଷୁଦ୍ରଜନ୍ତବଃ ॥ ୩୨॥

ତସ୍ମାତ୍ସର୍ୱପ୍ରୟତ୍ନେନ ଜ୍ଞାତ୍ୱା ଦେବି ଜପେନ୍ମନୁମ୍ ।

ସର୍ୱସିଦ୍ଧିମପାପ୍ନୋତି ସର୍ୱଦା ସୁଖବାନ୍ଭବେତ୍ ॥ ୩୩॥

(ଜାଲଶମ୍ବରମହାତନ୍ତ୍ରେ)

ପୂଜାଙ୍ଗତ୍ୱେନ ଜପକାଲେ ମୂଲମନ୍ତ୍ରଜପାନନ୍ତରଂ ବିଗ୍ରହାଦୌ ମୂଲମନ୍ତ୍ରେଣ

ଦେବୀମାବାହ୍ୟ ଯଥୋଚିତଂ ଆବାହନାଦ୍ୟୁପଚାରାନ୍ କୃତ୍ୱା ପୂଜାସମାପ୍ତୌ ପୁନଃ

ହୃଦୟାଦିନ୍ୟାସଂ ଭୂର୍ଭୁବସ୍ସୁବରୋଂ ଇତି ଦିଗ୍ବନ୍ଧଂ ଧ୍ୟାନଂ ଲମିତ୍ୟାଦିପୂଜାଂ

କୃତ୍ୱା ମୂଲମନ୍ତ୍ରଂ ଯଥାଶକ୍ତି ଜପ୍ତ୍ୱା ପୁନଃ ହୃଦୟାଦିନ୍ୟାସଂ ଭୂର୍ଭୁବସ୍ସୁବରୋଂ

ଇତି ଦିଗ୍ୱିମୋକଂ ଲମିତ୍ୟାଦି ପଞ୍ଚପୂଜାଂ ଚ କୃତ୍ୱା ଜପଂ ଦେବ୍ୟଗ୍ରେ ସମର୍ପୟେତ୍ ।

ଇତି ଶ୍ରୀବାଲାହୃଦୟଂ (୨) ସମାପ୍ତମ୍ ।