ଶ୍ରୀ ବିଦ୍ୟା—[43]-07-07-2021
ଶ୍ରୀବାଲା-ବାଞ୍ଛାଦାତ୍ରୀ--ସ୍ତୋତ୍ରମ୍
ଐଂ
ବିଦ୍ୟାକ୍ଷମାଲାସୁକପାଲମୁଦ୍ରାରାଜତ୍କରାଂ କୁନ୍ଦସମାନକାନ୍ତିମ୍ ।
ମୁକ୍ତାଫଲାଲଙ୍କୃତଶୋଭନାଙ୍ଗୀଂ
ବାଲାଂ ଭଜେ ବାଙ୍ମୟସିଦ୍ଧିହେତୋଃ ॥ ୧॥
କ୍ଲୀଂ
ଭଜେ କଲ୍ପବୃକ୍ଷାଧ ଉଦ୍ଦୀପ୍ତରତ୍ନାସନେ ସନ୍ନିଷଣ୍ଣାଂ ମଦାଘୂର୍ଣିତାକ୍ଷୀମ୍ ।
କରୈର୍ବୀଜପୂରଂ
କପାଲେଷୁଚାପଂ ସପାଶାଙ୍କୁରାଂ ରକ୍ତବର୍ଣାଂ ଦଧାନାମ୍ ॥ ୨॥
ସୌଃ
ବ୍ୟାଖ୍ୟାନମୁଦ୍ରାମୃତକୁମ୍ଭବିଦ୍ୟାଂ ଅକ୍ଷସ୍ରଜଂ ସନ୍ଦଧତୀଂ କରାବ୍ଜୈଃ ।
ଚିଦ୍ରୂପିଣୀଂ
ଶାରଦଚନ୍ଦ୍ରକାନ୍ତିଂ ବାଲାଂ ଭଜେ ମୌକ୍ତିକଭୂଷିତାଙ୍ଗୀମ୍ ॥ ୩॥
ପାଶାଙ୍କୁଶୌ
ପୁସ୍ତକମକ୍ଷସୂତ୍ରଂ କରୈର୍ଦଧାନାଂ ସକଲାମରାର୍ଚ୍ୟାମ୍ମ୍ ।
ରକ୍ତାଂ
ତ୍ରିଣୋତ୍ରାଂ ଶଶିଶେଖରାଂ ତାଂ ଭଜେଽଖିଲର୍ଧ୍ୟୈ ତ୍ରିପୁରାଂ ଚ ବାଲାମ୍ ॥ ୪॥
ଆରକ୍ତାଂ
ଶଶିଖଣ୍ଡମଣ୍ଡିତଜଟାଜୂଟାନୁବଦ୍ଧସ୍ରଜଂ
ବନ୍ଧୂକପ୍ରସବାରୁଣାମ୍ବରଧରାଂ
ରକ୍ତାମ୍ବୁଜାଧ୍ୟାସିନୀମ୍ ।
ତ୍ୱାଂ
ଧ୍ୟାୟାମି ଚତୁର୍ଭୁଜାଂ ତ୍ରିଣୟନାମାପୀନରମ୍ୟସ୍ତନୀଂ
ମଧ୍ୟେ
ନିମ୍ନବଲିତ୍ରୟାଙ୍କିତତନୁଂ ତ୍ୱଦ୍ରୂପସମ୍ପତ୍ତୟେ ॥ ୫॥
ଆଧାରେ
ତରୁଣାର୍କବିମ୍ବରୁଚିରଂ ସୋମପ୍ରଭଂ ବାଗ୍ଭବଂ
ବୀଜଂ ମାନ୍ମଥମିନ୍ଦ୍ରଗୋପକନିଭଂ
ହୃତ୍ପଙ୍କଜେ ସଂସ୍ଥିତମ୍ ।
ରନ୍ଧ୍ରେ
ବ୍ରହ୍ମପଦେ ଚ ଶାକ୍ତମପରଂ ଚନ୍ଦ୍ରପ୍ରଭାଭାସୁରଂ
ଯେ ଧ୍ୟାୟନ୍ତି ପଦତ୍ରୟଂ
ତବ ଶିବେ ତେ ଯାନ୍ତି ସୂକ୍ଷ୍ମଂ ପଦମ୍ ॥ ୬॥
ରକ୍ତାମ୍ବରାଂ
ଚନ୍ଦ୍ରକଲାବତଂସାଂ ସମୁଦ୍ୟଦାଦିତ୍ୟନିଭାଂ ତ୍ରିଣେତ୍ରାମ୍ ।
ବିଦ୍ୟାକ୍ଷମାଲାଭୟଦାନହସ୍ତାଂ
ଧ୍ୟାୟାମି ବାଲାମରୁଣାମ୍ବୁଜସ୍ଥାମ୍ ॥ ୭॥
ଅକଲଙ୍କଶଶାଙ୍କାଭା
ତ୍ର୍ୟକ୍ଷା ଚନ୍ଦ୍ରକଲାବତୀ ।
ମୁଦ୍ରାପୁସ୍ତଲସଦ୍ବାହା
ପାତୁ ମାଂ ପରମା କଲା ॥ ୮॥
ମାତୁଲିଙ୍ଗପୟୋଜନ୍ମହସ୍ତାଂ
କନକସନ୍ନିଭାମ୍ ।
ପଦ୍ମାସନଗତାଂ
ବାଲାଂ ଧ୍ୟାୟାମି ଧନସିଦ୍ଧୟେ ॥ ୯॥
ବରପୀୟୂଷକଲଶପୁସ୍ତକାଭୀତିଧାରିଣୀମ୍
।
ସୁଧାଂ
ସ୍ରବନ୍ତୀଂ ଜ୍ଞାନାପ୍ତ୍ୟୈ ବ୍ରହ୍ମରନ୍ଧ୍ରେ ବିଚିନ୍ତୟେ ॥ ୧୦॥
ଶୁକ୍ଲାବରାଂ
ଶଶାଙ୍କାଭାଂ ଧ୍ୟାୟାମ୍ୟାରୋଗ୍ୟଦାୟିନୀମ୍ ।
ସୃଣିପାଶଧରାଂ
ଦେବୀଂ ରତ୍ନାଲଙ୍କାରଭୂଷିତାମ୍ ॥ ୧୧॥
ଅକାରାଦିକ୍ଷକାରାନ୍ତବର୍ଣାବୟବଶାଲିନୀମ୍
।
ପ୍ରସନ୍ନାମରୁଣାମୀକ୍ଷେ
ସୌମନସ୍ୟପ୍ରଦାଂ ଶିବାମ୍ ॥ ୧୨॥
ପୁସ୍ତକଜପବଟହସ୍ତେ
ବରଦାଭୟଚିହ୍ନବାହୁଲତେ ।
କର୍ପୂରାମଲଦେହେ
ବାଗୀଶ୍ୱରି ଚୋଦୟାଶୁ ମମ ଚେତଃ ॥ ୧୩॥
ଇତି
ବାଞ୍ଛାଦାତ୍ରୀସ୍ତୋତ୍ରଂ ସମ୍ପୂର୍ଣମ୍ ।
Comments
Post a Comment