ଶ୍ରୀମହାଗଣପତି-ବଜ୍ରପଞ୍ଜର-କବଚମ୍

Objective-ସର୍ବାଭିଷ୍ଟଫଳ

ସମୟ-ଅର୍ଧ ରାତ୍ର, ଅବଧି-40/160 ଦିନ, ପଞ୍ଚ ଉପଚାର ପୂଜା, ପ୍ରତିଦିନ-11-11 ପାଠ   

 

॥ ପୂର୍ବପୀଠିକା ॥

ମହାଦେବି ଗଣେଶସ୍ୟ ବରଦସ୍ୟ ମହାତ୍ମନଃ ।

କବଚଂ ତେ ପ୍ରବକ୍ଷ୍ୟାମି ବଜ୍ରପଞ୍ଜରକାଭିଧମ୍ ॥

॥ ବିନିୟୋଗଃ ॥

ଓଁ ଅସ୍ୟ ଶ୍ରୀମହାଗଣପତିବଜ୍ରପଞ୍ଜରକବଚସ୍ୟ ଶ୍ରୀଭୈରବ ଋଷିଃ, ଗାୟତ୍ରଂ ଛନ୍ଦଃ, ଶ୍ରୀମହାଗଣପତି ଦେବତା, ଗଂ ବୀଜଂ, ହ୍ରୀଂ ଶକ୍ତିଃ, କୁରୁ କୁରୁ କୀଲକଂ, ବଜ୍ରବିଦ୍ୟାଦିସିଦ୍ଧ୍ୟର୍ଥେ ମହାଗଣପତିବଜ୍ରପଞ୍ଜରକବଚପାଠେ ବିନିୟୋଗଃ ॥

॥ ଋଷ୍ୟାଦିନ୍ୟାସଃ ॥

ଶ୍ରୀଭୈରବର୍ଷୟେ ନମଃ ଶିରସି । ଗାୟତ୍ରଛନ୍ଦସେ ନମୋ ମୁଖେ ।

ଶ୍ରୀମହାଗଣପତିଦେବତାୟୈ ନମୋ ହୃଦି । ଗଂ ବୀଜାୟ ନମୋ ଗୁହ୍ୟେ ।

ହ୍ରୀଂଶକ୍ତୟେ ନମୋ ନାଭୌ । କୁରୁ କୁରୁ କୀଲକାୟ ନମଃ ପାଦୟୋଃ ।

ବଜ୍ରବିଦ୍ୟାଦିସିଦ୍ଧ୍ୟର୍ଥେ ମହାଗଣପତିବଜ୍ରପଞ୍ଜରକବଚପାଠେ

ବିନିୟୋଗାୟ ନମଃ ସର୍ୱାଙ୍ଗେ ॥

॥ କରନ୍ୟାସଃ ॥

ଗାଂ ଅଙ୍ଗୁଷ୍ଠାଭ୍ୟାଂ ନମଃ । ଗୀଂ ତର୍ଜନୀଭ୍ୟାଂ ନମଃ ।

ଗୂଂ ମଧ୍ୟମାଭ୍ୟାଂ ନମଃ । ଗୈଂ ଅନାମିକାଭ୍ୟାଂ ନମଃ ।

ଗୌଂ କନିଷ୍ଠିକାଭ୍ୟାଂ ନମଃ । ଗଃ କରତଲକରପୃଷ୍ଠାଭ୍ୟାଂ ନମଃ ॥

॥ ଅଙ୍ଗନ୍ୟାସଃ ॥

ଗାଂ ହୃଦୟାୟ ନମଃ । ଗୀଂ ଶିରସେ ସ୍ୱାହା । ଗୂଂ ଶିଖାୟୈ ବଷଟ୍ ।

ଗୈଂ କବଚାୟ ହୁମ୍ । ଗୌଂ ନେତ୍ରତ୍ରୟାୟ ବୌଷଟ୍ । ଗଃ ଅସ୍ତ୍ରାୟ ଫଟ୍ ॥

॥ ଧ୍ୟାନମ୍ ॥

ବିଘ୍ନେଶଂ ବିଶ୍ୱବନ୍ଦ୍ୟଂ ସୁବିପୁଲୟଶସଂ ଲୋକରକ୍ଷାପ୍ରଦକ୍ଷଂ

ସାକ୍ଷାତ୍ସର୍ବାପଦାସୁ ପ୍ରଶମନସୁମତିଂ ପାର୍ବତୀପ୍ରାଣସୂନୁମ୍ ।

ପ୍ରାୟଃ ସର୍ବାସୁରେନ୍ଦ୍ରୈଃ ସସୁରମୁନିଗଣୈଃ ସାଧକୈଃ ପୂଜ୍ୟମାନଂ

କାରୁଣ୍ୟେନାନ୍ତରାୟାମିତ ଭୟ ଶମନଂ ବିଘ୍ନରାଜଂ ନମାମି ॥

॥ କବଚପାଠଃ ॥

ଓଁ ଶ୍ରୀଂ ହ୍ରୀଂ ଗଂ ଶିରଃ ପାତୁ ମହାଗଣପତିଃ ପ୍ରଭୁଃ ।

ବିନାୟକୋ ଲଲାଟଂ ମେ ବିଘ୍ନରାଜୋ ଭ୍ରୁବୌ ମମ ॥ ୧॥

ପାତୁ ନେତ୍ରେ ଗଣାଧ୍ୟକ୍ଷୋ ନାସିକାଂ ମେ ଗଜାନନଃ ।

ଶ୍ରୁତୀ ମେଽବତୁ ହେରମ୍ବୋ ଗଣ୍ଡୌ ମେ ମୋଦକାଶନଃ ॥ ୨॥

ଦ୍ୱୈମାତୁରୋ ମୁଖଂ ପାତୁ ଚାଧରୌ ପାତ୍ୱରିନ୍ଦମଃ ।

ଦନ୍ତାନ୍ମମୈକଦନ୍ତୋଽବ୍ୟାଦ୍ୱକ୍ରତୁଣ୍ଡୋଽବତାଦ୍ରସାମ୍ ॥ ୩॥

ଗାଙ୍ଗେୟୋ ମେ ଗଲଂ ପାତୁ ସ୍କନ୍ଧୌ ସିଂହାସନୋଽବତୁ ।

ବିଘ୍ନାନ୍ତକୋ ଭୁଜୌ ପାତୁ ହସ୍ତୌ ମୂଷକବାହନଃ ॥ ୪॥

ଊରୂ ମମାବତାନ୍ନିତ୍ୟଂ ଦେବସ୍ତ୍ରିପୁରଘାତନଃ ।

ହୃଦୟଂ ମେ କୁମାରୋଽବ୍ୟାଜ୍ଜୟନ୍ତଃ ପାର୍ଶ୍ୱୟୁଗ୍ମକମ୍ ॥ ୫॥

ପ୍ରଦ୍ୟୁମ୍ନୋ ମେଽବତାତ୍ପୃଷ୍ଠଂ ନାଭିଂ ଶଙ୍କରନନ୍ଦନଃ ।

କଟିଂ ନନ୍ଦିଗଣଃ ପାତୁ ଶିଶ୍ନଂ ବିଶ୍ୱେଶ୍ୱରୋଽବତୁ ॥ ୬॥

ମେଢ୍ରେ ମେଽବତୁ ସୌଭାଗ୍ୟୋ ଭୃଙ୍ଗିରୀଟୀ ଚ ଗୁହ୍ୟକମ୍ ।

ବିରାଟକୋଽବତାଦୂରୂ ଜାନୂ ମେ ପୁଷ୍ପଦନ୍ତକଃ ॥ ୭॥

ଜଙ୍ଘେ ମମ ବିକର୍ତୋଽବ୍ୟାଦ୍ଗୁଲ୍ଫାବନ୍ତ୍ୟଗଣୋଽବତୁ ।

ପାଦୌ ଚିତ୍ତଗଣଃ ପାତୁ ପାଦାଧୋ ଲୋହିତୋଽବତୁ ॥ ୮॥

ପାଦପୃଷ୍ଠଂ ସୁନ୍ଦରୋଽବ୍ୟାନ୍ନୂପୁରାଢ୍ୟୋ ବପୁର୍ମମ ।

ବିଚାରୋ ଜଠରଂ ପାତୁ ଭୂତାନି ଚୋଗ୍ରରୂପକଃ ॥ ୯॥

ଶିରସଃ ପାଦପର୍ୟନ୍ତଂ ବପୁଃ ସପ୍ତଗଣୋଽବତୁ ।

ପାଦାଦିମୂର୍ଧପର୍ୟନ୍ତଂ ବପୁଃ ପାତୁ ବିନର୍ତକଃ ॥ ୧୦॥

ବିସ୍ମାରିତଂ ତୁ ଯତ୍ସ୍ଥାନଂ ଗଣେଶସ୍ତତ୍ସଦାଽବତୁ ।

ପୂର୍ବେ ମାଂ ହ୍ରୀଂ କରାଲୋଽବ୍ୟାଦାଗ୍ନେୟେ ବିକରାଲକଃ ॥ ୧୧॥

ଦକ୍ଷିଣେ ପାତୁ ସଂହାରୋ ନୈରୃତେ ରୁରୁଭୈରବଃ ।

ପଶ୍ଚିମେ ମାଂ ମହାକାଲୋ ବାୟୌ କାଲାଗ୍ନିଭୈରବଃ ॥ ୧୨॥

ଉତ୍ତରେ ମାଂ ସିତାସ୍ୟୋଽବ୍ୟାଦୈଶାନ୍ୟାମସିତାତ୍ମକଃ ।

ପ୍ରଭାତେ ଶତପତ୍ରୋଽବ୍ୟାତ୍ସହସ୍ରାରସ୍ତୁ ମଧ୍ୟମେ ॥ ୧୩॥

ଦନ୍ତମାଲା ଦିନାନ୍ତେଽବ୍ୟାନ୍ନିଶି ପାତ୍ରଂ ସଦାଽବତୁ ।

କଲଶୋ ମାଂ ନିଶୀଥେଽବ୍ୟାନ୍ନିଶାନ୍ତେ ପରଶୁସ୍ତଥା ।

ସର୍ବତ୍ର ସର୍ବଦା ପାତୁ ଶଙ୍ଖୟୁଗ୍ମଂ ଚ ମଦ୍ୱପୁଃ ॥ ୧୪॥

ଓଁ ଓଁ ରାଜକୁଲେ ହୌଂ ହୌଂ ରଣଭୟେ ହ୍ରୀଂ ହ୍ରୀଂ କୁଦ୍ୟୂତେଽବତାତ୍

ଶ୍ରୀଂ ଶ୍ରୀଂ ଶତ୍ରୁଗୃହେ ଶୌଂ ଶୌଂ ଜଲଭୟେ କ୍ଲୀଂ କ୍ଲୀଂ ବନାନ୍ତେଽବତୁ ।

ଗ୍ଲୌଂ ଗ୍ଲୂଂ ଗ୍ଲୈଂ ଗ୍ଲଂ ଗୁଂ ସତ୍ତ୍ୱଭୀତିଷୁ ମହାବ୍ୟାଧ୍ୟାର୍ତିଷୁ ଗ୍ଲୌଂ ଗଂ ଗୌଂ

ନିତ୍ୟଂ ଯକ୍ଷପିଶାଚଭୂତଫଣିଷୁ ଗ୍ଲୌଂ ଗଂ ଗଣେଶୋଽବତୁ ॥ ୧୫॥

॥ ଫଲଶ୍ରୁତିଃ ॥

ଇତୀଦଂ କବଚଂ ଗୁହ୍ୟଂ ସର୍ୱତନ୍ତ୍ରେଷୁ ଗୋପିତମ୍ ।

ବଜ୍ରପଞ୍ଜରନାମାନଂ ଗଣେଶସ୍ୟ ମହାତ୍ମନଃ ॥ ୧॥

ଅଙ୍ଗଭୂତଂ ମନୁମୟଂ ସର୍ବାଚାରୈକସାଧନମ୍ ।

ବିନାନେନ ନ ସିଦ୍ଧିଃ ସ୍ୟାତ୍ପୂଜନସ୍ୟ ଜପସ୍ୟ ଚ ॥ ୨॥

ତସ୍ମାତ୍ତୁ କବଚଂ ପୁଣ୍ୟଂ ପଠେଦ୍ୱା ଧାରୟେତ୍ସଦା ।

ତସ୍ୟ ସିଦ୍ଧିର୍ମହାଦେବି କରସ୍ଥା ପାରଲୌକିକୀ ॥ ୩॥

ଯଂ ଯଂ କାମୟତେ କାମଂ ତଂ ତଂ ପ୍ରାପ୍ନୋତି ପାଠତଃ ।

ଅର୍ଧରାତ୍ରେ ପଠେନ୍ନିତ୍ୟଂ ସର୍ବାଭୀଷ୍ଟଫଲଂ ଲଭେତ୍ ॥ ୪॥

ଇତି ଗୁହ୍ୟଂ ସୁକବଚଂ ମହାଗଣପତେଃ ପ୍ରିୟମ୍ ।

ସର୍ବସିଦ୍ଧିମୟଂ ଦିବ୍ୟଂ ଗୋପୟେତ୍ପରମେଶ୍ୱରି ॥

॥ ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀମହାଗଣପତି ବଜ୍ର-ପଞ୍ଜର-କବଚମ୍ ସମ୍ପୂର୍ଣମ୍ ॥